香港新浪網 MySinaBlog
« 上一篇 | 下一篇 »

Picture
一堆人堆著等食物的情況很常見…

可能大家都會發現,近幾個月麥當勞各分店都陸續改用新的收銀/服務系統。總括而言,由舊到新,麥當勞應該是改變了以下幾項:

.食物不再是預先制作(薯條、批、沙律不是),而是有人點才去做。
.落單後由電腦傳送到廚房,再跟單分配食物。而非由店員邊記邊拎。
.買和等分成兩條隊,買了之後再要排旁邊的隊去等食物

可是這個新系統實在太差,每次到麥當勞都只看見長長的人龍,面對著越來越長的等候時間。幾個月以來,有的只是怨聲載道。或者你也曾經試過下面幾項令人氣憤的事:

.因為指示不清,排了取食物的隊,排了很久才知排錯,要重新再等。
.就算是非繁忙時間也要排隊,就算幸運地沒有人,完成整個交易也要五分鐘。
.從前只排一次,已經包括所有步驟。現在卻要排兩次,及等廚房完成食物。
.從前只可一個飽,可以快速離開,現在卻要跟慢慢等之前的食品完成才可以。

觀察了十多次,發現樽頸位置其實是在廚房,和由廚房到櫃面中間的分配食品位置。由於落單到廚房是順次序的,而大多數的廚房,亦只有一條生產線,所以食物也是順次序去做的。

既然是順次序去做,即是後多人落單了之後,也無法即時取得食物,所以在那個分配食品的位置,堆滿了等待食品的員工屢見不鮮(就如上圖般)。由於櫃台位置有限,大概只能容納四人在等食物,於是無法再落單,收銀的唯有站著沒事幹。

等食物的其實可沒有事幹。變相所有時間、包括客人的,也浪費了在等候當中。

不知道麥當勞為何改用新系統,但估計,在這新方法之下,食品是即叫即做,沒有了以往賣不完的食物要棄掉的情況(有傳是七分鐘,不知是否真確),可以減少浪費,特別是非繁忙的時間。

但可惜在人多時,就如上述般,員工大部份的時間也浪費了在「等」。人手方面,從前十個櫃位需要十個人,現在開五個櫃位也要十個人(一個收銀一個等食品),人手雖然一樣,但服務速度卻減慢了,這是什麼樣的設計?

既要即叫即做,倒不如拿個牌回座位等吧,將那些站著等食物的員工都改為「企堂」傳菜,時間一樣,但起碼不食堆著等,而客人也不用企著一起等。

不過真的如此,麥當勞就正式由快餐變成慢餐了!

 

註:麥當勞為何要這樣更改?如果有官方解釋我也想聽聽。
註:Facebook 也有一個Group 說這件事,有興趣可以參加。 


[63]
poonwinghang :
小朋友當然會鍾意去啦,佢地搞到自己個形象咁小朋友,都係想你d人由細食到大。又有幾個人大左之後會完全唔食?

This system is working at all USA McDonald. Yes, it's very slow and annoying.I used to work in HK McDonald, we had 1 minute to finish every order, but we were still doing better than what they've change.


[引用] | 作者 kat | 25th Nov 2008 | [舉報垃圾留言]

[62]

唉, 有時食m記都係想快, 但係佢咁樣做, 真係比以前慢左好多lor~~ 我好想向m記投訴, 可唔可以行返舊制呀!!

同埋佢既食物真係冇好味到....... 我要返以前得唔得呀!!

nest
[引用] | 作者 nest | 19th Oct 2008 | [舉報垃圾留言]

[61]

澳洲既老麥都係用呢套,不過可能因為已經run左一段長時間既關係,一般都唔駛等好耐,大概係到你order既時候,排你上兩個既人就走得,就算好忙都係咁上下,所以好快已經習慣左.
當然d野食係咪真係fresh d,基本上係唔會食得出...食得老麥都唔會要求freshness架啦.
不過我有個fd鍾意走蕃茄多醬,o係呢套system之下佢就唔會覺得自己麻煩.
下次返香港試下佢地點先~


[引用] | 作者 kit | 15th Oct 2008 | [舉報垃圾留言]

[60]

有時食麥記,無非係貪佢夠快啫,點知改左新制後,成日都遇到「等了又等」既情況。最忟係比錢後再排隊時,個cashier其實係無野做,你眼望我眼,次次都搞到我黑面走人!

Su
[引用] | 作者 Su | 11th Oct 2008 | [舉報垃圾留言]

[59] Re: poonwinghang
poonwinghang : 原來員工都有同感!的確依我所見,員工們因為效率低左,成日企同等,反而會比以前辛苦啊。至少,客人等得耐,面口都會唔好。衰仔 : HIHI...你好...睇完你既文章之後亦有同感...本人乃是麥記某分店的員工...而本人所工作的店鋪在本年7月頭也改了上述新的收銀/服務系統...Made For You!!!聽聞麥記(香港)改既其中一個原因係麥記(美國)方面試驗後證明可減製成品或半製成品浪費...唔...

重點係Made For You系統重點係減少製成品或半製成品浪費...
適當的控制或者可以減少半製成品浪費...
至於製成品這個問題除了控制方面之外...其他就係收銀與廚房溝通問題...但唔係間間可以做到...100%可以確定我地分店做唔到~而且越做越多投訴~

衰仔
[引用] | 作者 衰仔 | 8th Oct 2008 | [舉報垃圾留言]

[58]

而家麥記幾乎都係壟斷左個市場...基本上都唔憂做...講真...排完一條龍又排另一條龍..感覺真係有點無謂...更重要的是那個包並不一定熱多少...而且企位不夠...根本就使排隊更為混亂...
老實說..麥記食物質素愈加下跌...成日炒冷飯當新野出..連賣野制度都出問題...
心裡就不其然懷念WENDY'S,哈迪斯這些快餐店...至少她們以前為我們提供過其他選擇吧!


[引用] | 作者 鄧肯 | 6th Oct 2008 | [舉報垃圾留言]

[57] Re: 兔兔

我諗就算發明呢個理念既人,都唔認同係咁多人既情況下,係可以行得通。

兔兔 :
佢地好似用左管理學上既Just In Time既concept,唔keep stock. JIT可以 improve the organization's return on investment, quality, and efficiency.
但呢套concept用係香港既麥記係唔多work之麻!

poonwinghang
[引用] | 作者 poonwinghang | 6th Oct 2008 | [舉報垃圾留言]

[56] Re: 肥妹樂

係,我都試過好幾次見到太多人,於是走左。

肥妹樂 :
你好, 睇到你呢篇, 好開心有好多人同我一樣睇法, 麥記呢個排隊方法, 真係新不如舊。
有時想去麥記快快地咁買野食, 一行埋去見到成堆人係度, 即閃。

poonwinghang
[引用] | 作者 poonwinghang | 6th Oct 2008 | [舉報垃圾留言]

[55] Re: 衰仔

原來員工都有同感!的確依我所見,員工們因為效率低左,成日企同等,反而會比以前辛苦啊。至少,客人等得耐,面口都會唔好。

衰仔 : HIHI...你好...睇完你既文章之後亦有同感...本人乃是麥記某分店的員工...而本人所工作的店鋪在本年7月頭也改了上述新的收銀/服務系統...Made For You!!!聽聞麥記(香港)改既其中一個原因係麥記(美國)方面試驗後證明可減製成品或半製成品浪費...唔知真定假...不過我地轉左Made For You後...都唔覺得有咩特別...反而越做越辛苦...往往要睇拍檔係邊個...

poonwinghang
[引用] | 作者 poonwinghang | 6th Oct 2008 | [舉報垃圾留言]

[54]

佢地好似用左管理學上既Just In Time既concept,唔keep stock. JIT可以 improve the organization's return on investment, quality, and efficiency.

但呢套concept用係香港既麥記係唔多work之麻!


[引用] | 作者 兔兔 | 4th Oct 2008 | [舉報垃圾留言]

[53]

你好, 睇到你呢篇, 好開心有好多人同我一樣睇法, 麥記呢個排隊方法, 真係新不如舊。

有時想去麥記快快地咁買野食, 一行埋去見到成堆人係度, 即閃。


[引用] | 作者 肥妹樂 | 4th Oct 2008 | [舉報垃圾留言]

[52]

HIHI...你好...睇完你既文章之後亦有同感...
本人乃是麥記某分店的員工...
而本人所工作的店鋪在本年7月頭也改了上述新的收銀/服務系統...Made For You!!!

聽聞麥記(香港)改既其中一個原因係麥記(美國)方面試驗後證明可減製成品或半製成品浪費...唔知真定假...

不過我地轉左Made For You後...
都唔覺得有咩特別...反而越做越辛苦...
往往要睇拍檔係邊個而有唔到既生產速度...

唉...總知就做死人啦~

有時間歡迎光臨我的BLOG...
http://dda1816906.mysinablog.com/

衰仔
[引用] | 作者 衰仔 | 30th Sep 2008 | [舉報垃圾留言]

[51]

hang,很久沒來探訪你了!小弟最近參與了薄裝漫畫《神之領域》的編寫工作,如有朋友睇開本地漫畫,可叫他順道看看,比d意見我呀!謝謝呢!

歐十十
[引用] | 作者 歐十十 | 30th Sep 2008 | [舉報垃圾留言]

[50]

我又唔係好覺有咩野大分別,不過最大分別都係好食咗。

美國用呢套,因為嗰邊既人口密度無咁高,整定野食出黎會浪費晒,而且會變到好難食。

最好都係各取其長,可以預先整定部份好多人食既食物,好似魚柳包咁,咁樣就幾好。


[引用] | 作者 bananasims | 30th Sep 2008 | [舉報垃圾留言]

[49] Re: 嚴明

其實話即制,只不過係將預先整好曬既配料,到你叫既時候合番埋,又點同其實真係即制既精美漢堡比?(Mos Burger,Burger King都不是即制的)

嚴明 :
原因很簡單,因為即製才好味;)如果沒有,例如Mos Burger, 或者捲土重來的Burger King, 麥記也不用如此改動,否則死直.相信麥記已在觀察其他對手的做法,不斷改善,現在就忍讓一下吧:P

poonwinghang
[引用] | 作者 poonwinghang | 30th Sep 2008 | [舉報垃圾留言]

[48] Re: chankenn

係呢~我都試過一個人買等十分鐘,真係想殺人。或者佢地想包裝到慢餐咁,用junk food 賣貴十倍。

chankenn :
忍不住要留comment .. !!!
最後去一次m記
那是18:00-19:00 附近
明明只有1個人在前面排 我足足都等了近十分鐘才到我
然後我再等近十分鐘買兩個包 ..
我又唔覺得即製新鮮左 好味左 .. !!??!?
以前有時叫左隻要等 我都會轉啦
依家焗人等 .. 好痴線 !!
1d都唔快餐店 真係好得閒 坐響入面wifi 先等得過 .

poonwinghang
[引用] | 作者 poonwinghang | 30th Sep 2008 | [舉報垃圾留言]

[47] Re: pinocchio

如果你問到,記得俾個答案我。

pinocchio :
網主很氣結,但仔細觀察出來的現象很好笑,好,問問麥記的公關先~

poonwinghang
[引用] | 作者 poonwinghang | 30th Sep 2008 | [舉報垃圾留言]

[46] Re: 滔

係!呢個真係好討厭,我都試過一次,都係忍唔住出聲話佢。搞到件事好似手快有手慢無咁,如果你果條隊既人手慢,真係要等多好耐。

:
最嬲係成日出現遲來先上岸。
明明我同隔離個客要同一樣野,明明係我order先,但就試過幾次睇住我要的食物俾人拎左去隔離......
有一次我睇住我要的脆香雞翼係咁俾人拎去隔離,忍唔住同counter個人講:「我等左好耐喇,唔該你可唔可以拎左隻脆香雞翼俾我先呢?」
真係激死人喇......

poonwinghang
[引用] | 作者 poonwinghang | 30th Sep 2008 | [舉報垃圾留言]

[45] Re: Gilbert

小朋友當然會鍾意去啦,佢地搞到自己個形象咁小朋友,都係想你d人由細食到大。又有幾個人大左之後會完全唔食?

poonwinghang
[引用] | 作者 poonwinghang | 30th Sep 2008 | [舉報垃圾留言]

[44] Re: kilo

KFC 都真係慢,不過除了手慢之外,因為佢地既野食好多件頭,例如要個全桶咁,都要執幾十樣野。

kilo :
見咁多人留言...
我都講下
m記算好了
kfc仲慢
網主有冇想講下kfc
我去親kfc都真係火
那種慢,真的不是一般的慢

poonwinghang
[引用] | 作者 poonwinghang | 30th Sep 2008 | [舉報垃圾留言]

Next