香港新浪網 MySinaBlog
« 上一篇 | 下一篇 »
poonwinghang | 7th Nov 2008 | 隨筆, 日記


Originally uploaded by HKmPUA.

公司終於要搬離中環,三年多的中環生活亦要告一段落。坦白說,在到中環工作以前,家住新界的我,到中環的次數簡直十指可數,熟識程度簡直等於「零」。雖然現在仍會忘記某些橫街窄巷的名字,但大概已經是中環的「中級地膽」了。

其實在中環上班的第一個問題是生活費太貴,記得三年多前,城巴由沙田到中環的88R 線只是$17.5,現在已經加到$19.5。雖然有回程優惠,但每天的車費已經是三十多元,如果再包括$20 早餐一份和$30 午餐一個,每天接近$100 已經足夠在觀塘用三天。

每天到中環的交通,如果是乘搭巴士,最擔心的一段其實是在中環,由皇后大道中匯豐總行到畢打街的短短路程,卻是最容易塞車。如果步行的話,匯豐行到LV 只需要不到五分鐘,但曾經試過在那裡塞了二十分鐘,每天平均也要十分鐘。所以提到畢打街,心目中就只有「塞車」,電視劇《畢打自己人》絕對不會令我產生任何好感。

提到食,中環美食處處,無論是高檔、低檔,幾十年老字號比比皆是。但如果一定要提的,就是永樂園的熱狗,用料其實很簡單,只是中學小食部常用的熱狗包加上 腸和醬便是了。但神奇的地方,就是腸和醬都是獨一無二,聽說全香港只有他們才用,所以才會如此特別好吃。不過價錢在這幾年間加了很多,普通熱狗由三年前 的$6,加到現時的$8。

一個小建議,初次吃的朋友,一定要買「雙腸多醬」,這樣才是真正的滋味。但絕對不建議在午餐時間去買,因為專做外賣的舖位太細,而且堆滿了等外賣的人、寸步難行。中 環好吃的還有很多,如「某某園」、「某某大排檔」、「某某蛋撻」和「某某漢堡」等等都是十分有名氣的。順帶一提,中環除了蘭桂芳和SOHO 之外,四周的酒吧也有很多,而且不少也裝潢得很有特色,曾經試過幾次五點偷走去充電,感覺很不錯。如果他日有機會再到中環工作,一定要常去。

中環也是新舊交雜的,但這點太多人說過,就不詳述了。在新和舊之間,自然是很多人拍照取景的地方,但近年多了一件奇怪事:在「LV」影結婚相。這情況每個 月總會見到一兩次,特別是在放工時間,大概七點左右,在畢打街和德輛道中的十字路口,LV 的轉角位。不明白的地方有二:為什麼要在人頭湧湧的放工時間?而LV 前拍出來的結婚相又代表了什麼?

曾經聽聞有些人會夢想到中環上班,中環或者是「繁榮」「虛榮」的代名詞,如果你說公司在中環,真的會有人答你:「嘩!咁高級」。或者真的很高級吧。不過,我所熟識的中環,就只是這些生活小事…


[21] Re: Oku

其實又唔特別,不過你可以提議下公司搬去中環。

Oku : 左十幾年野,都未試過係中環返工,其真係好想試下~

poonwinghang
[引用] | 作者 poonwinghang | 9th Nov 2008 | [舉報垃圾留言]

[20]

東九龍多了甲級寫字樓,許多後勤辦公室搬遷過海,朋友謂懷念中環上班的日子,因為交通較方便。
中環名氣之大,或多或少給人心理壓力,在下可見將來都沒有機會在那兒上班了。

雖然現時在中產地帶上班,仍是一身便服,沒有負擔。

新址就近觀塘市中心的話,飲食豐儉由人,下班時間處處人龍,充滿舊區生命力,重建後很難保存社區特色。

Maple
[引用] | 作者 Maple | 8th Nov 2008 | [舉報垃圾留言]

[19]

很久沒到過中環了。永樂園的熱狗真係好好味,還有那裏的羅宋湯,唔知而家仲有冇呢?

lauch
[引用] | 作者 lauch | 8th Nov 2008 | [舉報垃圾留言]

[18]

我反而係尖沙咀返工食野仲貴過果陣時係中環返工.....


[引用] | 作者 ren | 8th Nov 2008 | [舉報垃圾留言]

[17]

幾年前我都曾經在中環返過工
最中意係o的舊樓舊舖, 幾乎每個lunchtime都會上半山行老舖
不過我通常只會同長輩們講"我返中環", 等佢地覺得我OK; 同朋友, 我會講"我返上環, SOHO附近", 型o的~~!! haha
近日又重返上環返工(今次真係上環了...唔近中環), 都發現左每個星期五的放工時間都有人在名店前影婚照. 我都唔明, 有咩好影?! 立法局我都可以勉強話o的人中意維多利亞式建築. 但係tiffany呢? LV呢? 除非佢地係o向o個度識o既o者...而且...咁影...都唔見得好靚o者....(得罪晒....^^")
我都好想睇下, 以中環夜景影出來既婚照, 到底會係咩樣!


[引用] | 作者 peggy | 8th Nov 2008 | [舉報垃圾留言]

[16]

曾在中環的甲級和乙級大廈工作,沒有特別的虛榮感,只係要日日都扮得好睇d,頗累。不過同樣係新界人,但唔知點解差不多份份工都要過海,都係中、上環、金鐘、灣仔一帶。車費真係貴,車程又長! 搞到好想可以住係港島區。


[引用] | 作者 cyn | 8th Nov 2008 | [舉報垃圾留言]

[15]

還有「某某記」的粥品和炸鯪魚球也不錯啊:)

從未試過在中環上班,不過小學時代校巴站是在遮打花園,所以也算在中環那兒打滾了幾年(笑)。中學時代特別喜歡去大會堂,皇后碼頭那檔超好吃的勁辣魚蛋只是$2呀! 還有擺花街天橋下的士多的豆花是全中環最好吃的,老闆平時雖然穿得很「街坊」,但其實他是St. John的急救班導師啊!

其實中環的橫街小巷蘊藏著很多有趣的東西,只是現在的人只會記得那兒有甚麼名店罷了...

Hang你的公司雖然搬了,但有時間也可以去中環逛逛嘛:)

荷莉
[引用] | 作者 荷莉 | 8th Nov 2008 | [舉報垃圾留言]

[14]

我從來都唔恨返中環,亦都無返過中環,最「高檔」都係返金鍾,不過只係一段好短的時間。

觀塘食野可以好平,如果唔太介意,有 d 工廠大廈都有 d 環境唔錯的茶餐廳,午市可以 30 內,如果想再好 d ,就真係要約 40 啦﹗


[引用] | 作者 流星 | 8th Nov 2008 | [舉報垃圾留言]

[13]

曾在ifc返了兩年工。

感覺是不喜歡中環,太formal,東西亦較貴。

UncleRay
[引用] | 作者 UncleRay | 8th Nov 2008 | [舉報垃圾留言]

[12]

以前係灣仔做野時都有d恨係中環返工,始終讀商科o既人有邊個唔想一嚐係中環甲級商樓出出入入o既滋味?

但而家我好反而好懷念係灣仔返工o既日子……都係平民路線岩我多d!


[引用] | 作者 Elizza | 7th Nov 2008 | [舉報垃圾留言]

[11]

中環既感覺梗係高級D啦,
有次公司有個人突然著到好"勁"咁返工,
D人問佢搞乜?
佢答: 今晚要落中環呀!

東海
[引用] | 作者 東海 | 7th Nov 2008 | [舉報垃圾留言]

[10]

我冇帶飯,就會考慮食熱狗,彧去士丹利街食碗雲吞米.價錢經濟又飽.


[引用] | 作者 reality | 7th Nov 2008 | [舉報垃圾留言]

[9]

就係因為響中環返過工,至會養成左帶飯返工既習慣,因為中環食飯唔一定貴,但真係太多人了,寧願響office舒舒服服食好…

virus
[引用] | 作者 virus | 7th Nov 2008 | [舉報垃圾留言]

[8]

去中環返工,
第一要睇的係人工..
唔係分分鐘冇錢返工...


[引用] | 作者 悟樂 | 7th Nov 2008 | [舉報垃圾留言]

[7]

"如果你說公司在中環,真的會有人答你:「嘩!咁高級」", 吓, 真架? 我未聽過。
xx大排檔我都未去過, 但中環多嘢食係真的。如果有一時我不在中環返工, 只會懷念x華和某車仔檔的砵仔糕, , 依家都好似好少見佢地開工了。


[引用] | 作者 思見 | 7th Nov 2008 | [舉報垃圾留言]

[6]

要搬離中環啊!會搬到那裡?觀塘嗎?
中環,對我來說,是個陌生的地方,很少去。雖然中環給人的感覺很高級,但我沒有希望到中環上班啊!因為生活費實在太高了,而且都算遠,再加上真的很怕塞車呢!

Chestnuts
[引用] | 作者 Chestnuts | 7th Nov 2008 | [舉報垃圾留言]

[5]

公司雖不在中環,但也經常於午飯時間在中環出入,但我卻甚少在中環吃我的午飯,因為到處人頭湧湧,天價價錢,卻只是普通貨色.....

我自己是九龍人,常常覺得中區的食物被過份吹噓了.....


[引用] | 作者 jac | 7th Nov 2008 | [舉報垃圾留言]

[4]

其實......
如果由沙田返觀塘,車費一程要七至九蚊,
食午飯,除飯盒以外茶餐廳大多都around 三十蚊至四十蚊,
早餐平食十零蚊、大快活水準二十蚊,
一百蚊好難駛到三日了。

最後要搬到哪裡呢?
 

Middle
[引用] | 作者 Middle | 7th Nov 2008 | [舉報垃圾留言]

[3]

以前在中環返part time,永樂園的熱狗是我的心頭好,勁好味... : )
中環返工感覺上係虛榮d,不過其食lunch的費用可不便宜呀... vv

Nic
[引用] | 作者 Nic | 7th Nov 2008 | [舉報垃圾留言]

[2]

有去「金華」吃义燒嗎? (雖然貴了點...)


[引用] | 作者 Fatsoo | 7th Nov 2008 | [舉報垃圾留言]

Previous Next