香港新浪網 MySinaBlog
« 上一篇 | 下一篇 »
poonwinghang | 30th Dec 2008 | 有關生活文化

不知到大家昨天晚上有沒有看無線的晚間新聞…

近來發現,新聞已經變得越來越奇怪,不單只報導國際大事、社會政治等,更加是無奇不有,要奇情有奇情、要驚喜有驚喜。

(網上找不到片段,有看過者請回憶)

昨晚新聞報導一開始,就是活雞恢復供港的新聞,無線亦派了記者到長沙灣批發市場做直播,背景就是工人幹活的情形。當報導完活雞由內地運港過程,及訪問了批發商和檔主之後,記者便總括地說,因為活雞已經等了三個星期才推出,所以不少都是超齡老雞,而根據批發商所講,老雞的肉質會比適齡雞隻硬云云。

於是鏡頭一轉,便訪問了香港著名「食家」滔滔,講解一下老雞和適齡雞在肉質上有什麼分別,而在進食時應該注意的地方。聽得出, 滔滔雖然已經盡力配合新聞報導客觀的口腔,但無奈主持飲食節目太多,論調太輕鬆,一時間新聞節目變成疑似飲食節目。差的,只是一句「好有口感」。

既然到達如此地步,又何況再進一步?例如可以增加以下環節:

滔:嗱,其實食雞呢,最好就落少少頭抽,咁樣個味就帶到出黎又有口感。如果隻雞老呢,就更加要再落多d頭抽,咁樣先夠滋味啊。

記:(夾起雞件點頭抽、再試食)唔,又真係啊。老雞雖然係老左d,但係落左頭抽其實又食唔出分別。(隔三秒)無線電視記者陳某報導。

其實在記者直播時說完「老雞」較硬之言後,已經覺得如此報新聞,會否太輕鬆?直覺認為,為了令故事完滿,無線更應該訪問「當紅」的蘇絲黃,說說食老雞應該注意的地方。怎知語音未落,他們已經訪問了滔滔…


[26]

moliu news!! then you should watch Australia TV news... talking about cricket/rugby more than szechuan earthquake news..


[引用] | 作者 killer | 12th Jan 2009 | [舉報垃圾留言]

[25]

路過的~東森新聞報導陳水扁一案
完全將八卦雜誌的形式搬到電視上
配上音樂 你想有幾煽情就有幾煽情
似睇娛樂新聞多過睇政治新聞

Toshma
[引用] | 作者 Toshma | 6th Jan 2009 | [舉報垃圾留言]

[24]

呢D叫香港新聞東森化
如果你睇過東森新聞﹐你直頭會O晒嘴添呀

文少
[引用] | 作者 文少 | 3rd Jan 2009 | [舉報垃圾留言]

[23] uhk

UHK論壇現正網羅所有高水平的網誌, 為讀者提供一個精讀空間!

我誠邀您的網誌加入成為UHK的連結, 希望你有抽空到 http://www.uhk.com/viewthread.php?tid=27468&extra=page%3D1 一看! 萬分感激 !


[引用] | 作者 chriswongboss | 2nd Jan 2009 | [舉報垃圾留言]

[22]

新年快樂!


[引用] | 作者 石先生 | 2nd Jan 2009 | [舉報垃圾留言]

[21]

世界有咁多大事發生,隻雞老左些少有幾咁大件事呀?

米奇
[引用] | 作者 米奇 | 1st Jan 2009 | [舉報垃圾留言]

[20]

見到滔滔, 我會直接聯想到美食及他那一副病態的體型, 根本就沒有半點新聞報導專業求真的感覺, 雖然, 新聞亦有一些較輕鬆的環節, 不過, 見到滔滔, 始終感到跟新聞報導拉不上關係.


[引用] | 作者 PE 傅 | 31st Dec 2008 | [舉報垃圾留言]

[19]

對我來說, 只要說"今天恢復活雞供應" 就可以了, 其它都是廢活:P


[引用] | 作者 嚴明 | 31st Dec 2008 | [舉報垃圾留言]

[18]

no news is good news,好事黎既……
願新一年世界和平、國泰民安、多見滔滔﹗

皇帝
[引用] | 作者 皇帝 | 31st Dec 2008 | [舉報垃圾留言]

[17]

重要成日聽龔偉儀用痴脷筋報導新聞, 聽到成口泡...


[引用] | 作者 沙 翟 | 31st Dec 2008 | [舉報垃圾留言]

[16]

無睇呢段新聞,不過感覺是很怪,一般常識也覺得不應加上滔滔吧。

亞占
[引用] | 作者 亞占 | 31st Dec 2008 | [舉報垃圾留言]

[15]

我也有看,實在離奇……

Maple
[引用] | 作者 Maple | 31st Dec 2008 | [舉報垃圾留言]

[14]

本來已經覺得無記新聞扣埋廣告得廿多分鐘已經太少, 怎料他們原來覺得仍然太多, 要搞個噉既訪問落去, 唔通哩個世界已經冇其他新聞發生?
另外, 睇到時我重話, 唔知滔滔收到電話約訪問時有冇覺得奇怪呢: 「新聞部?」


[引用] | 作者 H. | 31st Dec 2008 | [舉報垃圾留言]

[13]

若果是一個新聞特輯,我接受。
正如報紙除左報道新聞,仲會有相關資訊。

香港燦萬歲指"無記咁既次序報導安排, 令我覺得佢地係企係以色烈美國果邊"
無線新聞係用美國新聞台ge消息,所以立場的確係比較親美。


[引用] | 作者 查斯特 | 31st Dec 2008 | [舉報垃圾留言]

[12]

剛睇完無記新聞講加沙, 佢地講完幾多死傷後, 就講以軍因為用左最新美國制既小型GPS導向導彈所以命中率差不多百發百中, 無記咁既次序報導安排, 令我覺得佢地係企係以色烈美國果邊


[引用] | 作者 香港燦萬歲 | 30th Dec 2008 | [舉報垃圾留言]

[11]

會唔會係無記新聞娛樂化?


[引用] | 作者 Helen | 30th Dec 2008 | [舉報垃圾留言]

[10]

新聞娛樂化已經從printed media蔓延至electronic media了..

翡拉
[引用] | 作者 翡拉 | 30th Dec 2008 | [舉報垃圾留言]

[9]

無睇...... 聽落都幾搞笑,電視新聞娛樂化﹖

(老實講,我真係食唔出活雞同冰鮮雞既分別。)


[引用] | 作者 艾力 | 30th Dec 2008 | [舉報垃圾留言]

[8]

咁搞鬼 ? 一陣搵下YOUTUBE有冇片段先...


[引用] | 作者 小明 | 30th Dec 2008 | [舉報垃圾留言]

[7]

自己睇過呢段都覺得怪怪地..
不過可能無咩新聞. 所以可以輕鬆d. 用多少少時間.


[引用] | 作者 亨利 | 30th Dec 2008 | [舉報垃圾留言]

Next