香港新浪網 MySinaBlog
« 上一篇 | 下一篇 »
poonwinghang | 30th May 2006 | 有關社會政治

平均分: 9.50 | 評分人數: 4

當日領匯人人有一手,以為發達還富於民啦,點知會搞到今日咁…

我姓陳,今年五十四歲,有一個落左香港六年既老婆,仲有兩個仔,大果個今年都讀小五。老婆一直都搵唔到長工,都係打下散工咁,幫補下啦。

我係小西灣商場做晚間保安,人工都算唔錯,因為要番夜,都有七千幾蚊,比起日間已經好好多。一家人住係公屋,屋企又係附近,唔洗出街食又唔洗搭車,慳慳地都夠用。起碼叫自食其力嘛…

當年領匯上市,我覺得盧少蘭鄭經翰果堆人好煩,阻人發達,明明上到市就一定升!你宜家係度關心咩貧富懸殊,貧富懸殊又無錢分,我覺得政府係善政,就一定要支持。

成班工友都有申請,我將全部積蓄都拎去買領匯,入左十手,要五萬蚊。到最後抽到一手,都算啦,個個工友都有。一上市,嘩,升左十幾個弼聲,好多人都放左,但係我就唔放住。一路升一路升,最後十七個幾果時放左,都有三千幾蚊落袋。一心以為好好啦,當分花紅啦。

但係呢幾個月,商場加租,又裝修、又加設備,好似扮到好高級咁,好多老商戶都做唔住,新開既又賣得貴過以前,街坊都話賣領匯賺埋賺埋都唔夠平時洗。之後又請左好多顧客服務助理,好多都係後生仔、有氣有力,管理公司叫佢地做埋保安同清潔果份,好多工友開始擔心會無左份工…

我地仲要養家啊…

前幾日,開始有工友收到新合約,做少左又減左好多人工,又有好多清潔阿姐無左份工;我諗我平時都做得唔錯,應該無事掛,點知保安公司叫我番到六月唔洗番。你叫我以後點算?賣領匯果三千幾蚊一早食左,之後仲可以搵乜野工?都成五十幾歲仲邊有人請,好多工友都好擔心生活,成條村有好多工友俾人炒左。睇新聞,先知原來有成千人無左份工。

可以點?希望政府同立法會議員可以幫下我地…

(不過,立法會議員梁耀忠指出,領匯上市後立法會可做的不多;他質疑領匯違反上市時承諾,出賣員工,帶頭製造失業。可惜,主流傳媒的報導不多,希望Blogger 們可以多多提及對此事,總好過不斷講巴士阿叔。)

註:以上故事純屬虛構

問題:
1. 裁員是否一定等於提升質素?要提升質素,除了裁員還有沒有其他方法?
2. 就算領匯可以搞好商場,當中的「利」會否比裁員對社會的「害」大?
3. 就算沒有領匯,政府就沒有能力搞好商場嗎?

相關報導:領匯商場裁1400 人領匯2000 員工 飯碗恐不保


[34]

一句到尾,最低工資,標準工時,遲遲不立法,低不層工人,無法享受成成果,只會在經濟不佳時,就成為第一個目標,..........立法局議員你們聽到麼.
希望再來一次25萬人上街大遊行

fung
[引用] | 作者 fung | 7th Jan 2009 | [舉報垃圾留言]

[33] Re: Re: 的確無良
BB :
Ginny :商人的無良, 不用我多說;但小市民的不良,似乎不是太多人喜歡說小市民的無良:1. 不論誰是誰非,只要有錢賺,就趕快入貨2. 不理自己的能力,明知兩地分隔,仍要北上聚妻,然後厚著面皮以一家團聚為由,申請一家大小來港. 再以弱勢社群為名要求協助3. 自己以自己利益為先就理所當然,商人以自己的利益為先則天地不容商人有商人的不是,但小市民亦要自我增值,量力而為,才能達至雙贏

認同.........
況且點解d商戶唔集體唔交租抗爭到底!!!!


[引用] | 作者 g008c | 1st Feb 2007 | [舉報垃圾留言]

[32] Re: 的確無良
Ginny :
商人的無良, 不用我多說;但小市民的不良,似乎不是太多人喜歡說
小市民的無良:1. 不論誰是誰非,只要有錢賺,就趕快入貨2. 不理自己的能力,明知兩地分隔,仍要北上聚妻,然後厚著面皮以一家團聚為由,申請一家大小來港. 再以弱勢社群為名要求協助3. 自己以自己利益為先就理所當然,商人以自己的利益為先則天地不容
商人有商人的不是,但小市民亦要自我增值,量力而為,才能達至雙贏

認同.........

況且點解d商戶唔集體唔交租抗爭到底!!!!


[引用] | 作者 BB | 13th Dec 2006 | [舉報垃圾留言]

[31]

起飛腳ee﹕嗚嗚嗚,篇野咁亂黎你都forward黎衣度﹖咁會破壞曬我形象架喎﹗

認真mode﹕
泊主你好,早前私下轉載閣下文章 (又不作認真討論),多多抱歉。


[引用] | 作者 goethe | 24th Sep 2006 | [舉報垃圾留言]

[30]

[29] Re: 風藍

第三個問題,其實睇番上面鏗鏘集條Link,食環署既街市都做得好好啊。而第一同第二條,我睇完領匯上立法會既問答,更加認為佢地係過左海就神仙。


[引用] | 作者 poonwinghang | 7th Jun 2006 | [舉報垃圾留言]

[28] Re: re: 大家
poonwinghang : 但係我想問: 1. 裁員是否一定等於提升質素?要提升質素除了裁員還有沒有其他方法? 2. 就算領匯可以搞好商場,當中的「利」,又會否比裁員對社會的「害」大? 3. 沒有領匯上市,政府就沒有能力搞好商場嗎?


第一個問題, 我想裁員同提升質素係冇直接關係, 在我黎講, 裁員係一種短時間提升盈利或減少支出既方法. 籍著裁員, 我想只能強迫性地提升每個員工既個人質素, 但係整體企業質素未必會有提升, 因為人始終少左, 就算個人質素有所提升, 都未必可以回復以往既水平.

 第二個問題, 對領會既角度來講, 佢地只需要顧及企業本身既利潤, 對股東有交待就夠. 對社會的有大傷害在企業黎講有咩關係, 俾人講幾個月咪淡忘晒...假如又係股東又係員工而又有買領匯, 但係之後又係度表達不滿, 我就會覺得佢係非常短視, 冇遠見, 想兩邊甜頭都吃到.

第三個問題,  我認為其實係可以攪得好, 如果政府有心攪. 不過房署又驚自己冇錢, 唔上市捱唔到幾耐, 而呢個方法, 對佢地黎講係最舒服同最快速解決呢件事.
 只能夠話佢地都係短視既一群, 深思熟慮好難發生係港官既身上.


[引用] | 作者 風藍 | 7th Jun 2006 | [舉報垃圾留言]

[27]

1. 裁員是否一定等於提升質素?要提升質素除了裁員還有沒有其他方法?

不一定,視乎裁員之後的相應安排。人是否完全可如機械零件般的更換?我相信,裁員只是一些不負責任的管理手法。

2. 就算領匯可以搞好商場,當中的「利」,又會否比裁員對社會的「害」大?
必然。這樣子裁員,更造就其他機構欺壓這班「無競爭力」的人──試問,哪間機構會以不差於原先的待遇聘請他們?

3. 沒有領匯上市,政府就沒有能力搞好商場嗎?
你想一個不想負責任的政府會搞出什麼好事來?別妄想了。


[引用] | 作者 0v0 | 1st Jun 2006 | [舉報垃圾留言]

[26] Re: Ginny

又唔可以咁講,小市民無能力,所以有時候選擇被局限左,有時佢地都唔想;有時,則要在自己有限資源之下,爭取最大利益…

所以,第一第二點都唔怪得佢地


[引用] | 作者 poonwinghang | 1st Jun 2006 | [舉報垃圾留言]

[25] Re: 譚劍

沙士之後政府都開左好多呢類型既職位,六千蚊簽半年,好多十幾歲既畢業生去做…

譚劍 :
由政府機構搞甚麼非公務員合約制職務開始,已經帶頭教大家唔使理乜社會責任。做過呢種工既都知,連僱主供o個份mpf係由僱員自己俾埋。


[引用] | 作者 poonwinghang | 1st Jun 2006 | [舉報垃圾留言]

[24] 的確無良

商人的無良, 不用我多說;但小市民的不良,似乎不是太多人喜歡說

小市民的無良:
1. 不論誰是誰非,只要有錢賺,就趕快入貨
2. 不理自己的能力,明知兩地分隔,仍要北上聚妻,然後厚著面皮以一家團聚為由,申請一家大小來港. 再以弱勢社群為名要求協助
3. 自己以自己利益為先就理所當然,商人以自己的利益為先則天地不容

商人有商人的不是,但小市民亦要自我增值,量力而為,才能達至雙贏


[引用] | 作者 Ginny | 31st May 2006 | [舉報垃圾留言]

[23]

由政府機構搞甚麼非公務員合約制職務開始,已經帶頭教大家唔使理乜社會責任。做過呢種工既都知,連僱主供o個份mpf係由僱員自己俾埋。


[引用] | 作者 譚劍 | 31st May 2006 | [舉報垃圾留言]

[22] Re: 小黑

其實唔單止係領滙既商場,宜家好多商場都不停裝修,提昇級數,都係為左可以加租,就好似沙田果個大型商場咁…

小黑 :
其實我覺得領滙係好有問題,第一:屋邨商場做既係街坊生意,唔係sell型像,用大量資源去做埋d門面工夫,美其名就係提高層次,但都只係一個加租既籍口第二:一個服務大眾既機關,資源係應該用o係市民身上,但佢地連更換一件零件都要左拖右拖,要等到真係爛先換,完全置市民安全於不顧


[引用] | 作者 poonwinghang | 31st May 2006 | [舉報垃圾留言]

[21] Re: 靚女Aunt

仲有,如果你無買,佢地就會話:哎呀,有錢都唔賺,點解咁蠢啊?

靚女Aunt :
一早就預左會係咁,始終羊毛出在羊身上,上左市就要向股東交代,實要開源節流,到時一定會出現好似你上述的故事。我當時都唔贊成架,但其他人會覺得你阻人發達囉!


[引用] | 作者 poonwinghang | 31st May 2006 | [舉報垃圾留言]

[20]

其實我覺得領滙係好有問題,第一:屋邨商場做既係街坊生意,唔係sell型像,用大量資源去做埋d門面工夫,美其名就係提高層次,但都只係一個加租既籍口
第二:一個服務大眾既機關,資源係應該用o係市民身上,但佢地連更換一件零件都要左拖右拖,要等到真係爛先換,完全置市民安全於不顧


[引用] | 作者 小黑 | 31st May 2006 | [舉報垃圾留言]

[19]

一早就預左會係咁,始終羊毛出在羊身上,上左市就要向股東交代,實要開源節流,到時一定會出現好似你上述的故事。我當時都唔贊成架,但其他人會覺得你阻人發達囉!


[引用] | 作者 靚女Aunt | 31st May 2006 | [舉報垃圾留言]

[18] Re: TO K Y

當然不介意啦,各人都可以有自己的意見,只要你不是留粗口就無問題了


[引用] | 作者 poonwinghang | 31st May 2006 | [舉報垃圾留言]

[17] re: 大家

但係我想問:
1. 裁員是否一定等於提升質素?要提升質素除了裁員還有沒有其他方法?
2. 就算領匯可以搞好商場,當中的「利」,又會否比裁員對社會的「害」大?
3. 沒有領匯上市,政府就沒有能力搞好商場嗎?


[引用] | 作者 poonwinghang | 31st May 2006 | [舉報垃圾留言]

[16] Re: 粉雷雷

我同你既諗法完全一樣
所以我都無買,就算俾我賺左果幾千蚊,對唔住,對社會既損失會更加大


[引用] | 作者 poonwinghang | 31st May 2006 | [舉報垃圾留言]

[15]

唔係馬後炮,我當時覺得領匯上市係唔好。股價係就係會升,但係上0左市,一定有好多動作,加租、減人工一定做,要提高股東回報嘛!最後咪益晒d 大戶囉!

你睇下啦,裝修完,租金又貴0左,無人租得起,遲d 咪又係租晒d 舖畀姓李0既,最後又係焗住買貴0野。

我呢d 新股王,有新股我都抽,但呢隻領匯有錢賺我都無玩,我老母話我傻!

我唔知邊個先係傻,我淨係覺得過唔到自己個關。


[引用] | 作者 粉雷雷 | 30th May 2006 | [舉報垃圾留言]

Next