香港新浪網 MySinaBlog
« 上一篇 | 下一篇 »
poonwinghang | 13th Jun 2006 | 隨筆

平均分: 9.00 | 評分人數: 1

以下是一個有關無良顧主(或者)欺騙員工的故事:

當時人Jan(化名),畢業兩年左右,是本港某大集團旗下物流公司的Assistant Supervisor,負責管理低層員工。Jan的待遇是六天工作、七天大假和勞工假期。在朋友的介紹下,Jan到另一間規模較細的物流公司面試,最終成功,職位是Supervisor,六天工作、十二天大假和銀行假期,薪金有30%的升幅。

在考慮後,Jan決定向舊公司請辭,但他的上司作出挽留,並承諾於七月一日起升Jan為Assistant Officer,五天半工作、十二天大假和銀行假期,但人工加幅只有15%左右。Jan思前想後,雖然舊公司的人工比另一間公司少,但始終是行內的大公司,而能夠升遷至Officer後,在該公司的前途會更加好(只有Management Trainee才可以直接升至Officer等級,所以這樣的升遷令他等同MT,並擁有同樣機會),所以都是值得的。

Jan接受升遷後多次向上司查詢,直至推掉另一間公司前,再次向上司追問,他的上司仍然保證這是事實,更說:「我幾時呃過你先?」至數天前,剛好是Jan一個月通知期的最後一天。如Jan並無辭去舊工,將會於今天開始到新公司上班。Jan的上司突然通知他,原來的升遷建議不可行,只能升他一級為Supervisor,待遇和現在一樣都是六天工作、七天大假和勞工假期,但人工只有10%的升幅。

Jan當然不滿,他認為上司不應該多次答應他,卻到他推掉新工、並確認他沒有到新公司上班後才通知他新的安排。上司此時卻說:「咪仲好啦,你可以專心係呢度做啦!唔係我唔想升你,而係你公司唔批…」「如果你有問題,可以問我老細啊!」Jan與上司的上司見面,上司指Jan半年前才剛升職,沒可能在如此短時間內再次升遷,還要是連升兩級。他希望Jan多留在公司半年,做出成績,半年後再討論升遷問題,但始終不肯承諾一定有此機會。

如果你是Jan:
.會否認為自己太天真,在沒有黑紙白字承諾下就推掉新工?
.你還會否在此公司多留半年,等待機會?
.你會否因為上司食言,而立即離開此公司?
.如你知道推掉的那個職位還沒請到人,你會否嘗試再申請?

如果你是上司:
.既然會令員工反感、甚至離職,你會否用謊話留住員工?
.或者你背後另有苦衷?只是被夾著的中層管理人?


[21] 大家俾D意见我呢(急)

刚面试左份新工,自己念住跳过去,但新公司要求我尽快可以返工,据同我讲要求我提供旧公司的reference letter,并且会根据letter,先叫hr发封offer俾我,如果我同旧公司讲要走,据肯定冇甘快俾我走,我坚持既话,我又惊封letter会写的唔好,大家话我应该点做?

在线等大家既意见


[引用] | 作者 lok | 11th Jul 2006 | [舉報垃圾留言]

[20]

我諗我知道係邊間... quit immediately la


[引用] | 作者 同是天涯淪落人 | 26th Jun 2006 | [舉報垃圾留言]

[19] Re:
Kli :
上司知你有離開之心,內心已經同你關係有裂痕... 作為上司,見住下屬偷偷摸摸去見工(佢仲要係返6日工),有乜可能冇唔開心。
佢咁都信,一係就太高估自己,一係太低估上司,基本上可以話係「自我中心」睇得自己太大。
兩個字總結:天真。

無錯,年輕既時候,曾經有亦師亦友既老細同我講過,一定唔可以比老細知你有離心,留你只不過係人情,就算你真係留低,已經唔一樣,佢唔會再信任你,重用你。
佢呢句說話我一直用心記住。
你個jan friend貴庚呀?哈哈哈。。。白痴0架?


[引用] | 作者 咩唔好?! | 17th Jun 2006 | [舉報垃圾留言]

[18]

係爾虞我詐既社會, 要有保護自己既心.

不過舊公司都留唔過, 使詐留人令到主角落入陷阱.


[引用] | 作者 風藍 | 16th Jun 2006 | [舉報垃圾留言]

[17]

立即辭工


[引用] | 作者 KK | 16th Jun 2006 | [舉報垃圾留言]

[16]

上司知你有離開之心,內心已經同你關係有裂痕... 作為上司,見住下屬偷偷摸摸去見工(佢仲要係返6日工),有乜可能冇唔開心。

佢咁都信,一係就太高估自己,一係太低估上司,基本上可以話係「自我中心」睇得自己太大。

兩個字總結:天真。


[引用] | 作者 Kli | 16th Jun 2006 | [舉報垃圾留言]

[15]

如果你是Jan:
.會否認為自己太天真,在沒有黑紙白字承諾下就推掉新工?
係無HR department written confirmation嘅情況下,你朋友係大意左d. 尤其係大機構,要問清楚HR,唔好只聽直屬上司嘅話

.你還會否在此公司多留半年,等待機會?
搵到新工即走.當然,如果半年後仲係到,點解唔一邊fight一邊搵工呢.

.你會否因為上司食言,而立即離開此公司?
唔會,初時當然可以發下脾氣, 但之後要扮無野.因為地球係圓嘅,點知第日會唔會再合作

.如你知道推掉的那個職位還沒請到人,你會否嘗試再申請?
why not?

如果你是上司:
.既然會令員工反感、甚至離職,你會否用謊話留住員工?
.或者你背後另有苦衷?只是被夾著的中層管理人?
我會包裝下句說話.例如"好可能","好大機會","我會幇你fight,不過唔敢保證".既然佢都有去意,用講大話去留人嘅手段都算"渣".


[引用] | 作者 阿銀 | 15th Jun 2006 | [舉報垃圾留言]

[14]

經一事長一智, 加油呀, Jan!!


[引用] | 作者 mill | 15th Jun 2006 | [舉報垃圾留言]

[13]

基本上,好多公司都係咁,用漂亮既謊言去欺騙下屬,我亦是受害者之一,但不是阿JAN的case。
跟你說,我是個「決定要走的人,遞辭職信不過是程序,而不是決定」,即,搵到工就一定會走,絕無回旋餘地;你上司同你講到加一倍人工都唔好留,因為就係怕D「粉人」買口乖,佢最緊要留得低你個人之嘛,你留低左就佢大哂,特別JAN咁既case真係無乎fit...所以我唔遞又自可,一遞就無得「猛」!
我做過大又做過細,我做大時,會睇情況留人,但遞得既我9乘9點99都唔會留,就算真係留,都唔會畀任何offer,只會分析情勢,如果個邊真係好D既,咁就恭喜,然後bb!
做細時,我遞信畀上司,佢淨係問我你要咩?錢?假?掉department?唔走就得啦...我亳不動心,就係怕阿JAN咁...
所以,JAN,你經一事長一智,無人同錢作對,我真係建議你打去新公司同見你既人聯絡,用誠意打動佢畀個機會你!因為留係舊公司,你只會更‧難‧受!


[引用] | 作者 叉燒包 | 15th Jun 2006 | [舉報垃圾留言]

[12]

絕對是天真/如果沒新offer的話就會/不要和錢作對/不會再申請,HR會認得你的

好馬不吃回頭草呀, 說走人家點留都係假, 除非自己根本唔係想走


[引用] | 作者 hokuto | 14th Jun 2006 | [舉報垃圾留言]

[11]

呢個世界打工唔好講感情,總之白紙黑字最均真。
由其大集團,冇理由得把口,應該一早催老細/HR 批 Offer。
搵工應該一早要作多方面打算,就算舊老細講乜都好,可以拖住新工上班日期就拖,呢邊跣你咪即刻可以過去囉。不過要考自己 bargaining power 有幾掂。

不過依家既然已吃虧,都要硬食死忍,再一路搵工。冇工0係手搵工一定蝕,何況做緊0既工作類型唔係話好有力叫高個價。唔好一時之氣,比著我會打去問下新工0個邊 HR 仲有冇著落,橫掂冇都唔會再見架啦,咪博多次。博都夠豪咪賠錢即走乜都唔 handover 咪當報仇;就算唔賠都 hea 夠佢一個月。

加油呀 Jan,唔好氣餒


[引用] | 作者 Clement T | 14th Jun 2006 | [舉報垃圾留言]

[10]

上面係「同事又滿意」,唔係「唔意」。

仲有,如果即走,即係要自己俾一個月糧出來做代通知金。而且佢唔係計銀行假,即係分鐘可能仲要扣埋假先至可以走得,玩o下手,要賠突(唔知佢呢兩年囉過幾多大假啦)。


[引用] | 作者 | 14th Jun 2006 | [舉報垃圾留言]

[9]

如果你是Jan: .會否認為自己太天真,在沒有黑紙白字承諾下就推掉新工?

emoticon唔做都做o左,唔好再煩啦,當買個教訓,下次就算去新公司,一定要簽o左contract,或者得到人家再三肯定唔會線你,先至quit舊工。否則,悲劇會再發生的。

.你還會否在此公司多留半年,等待機會?

emoticon虛委以蛇,再找到新工就即走。 

.你會否因為上司食言,而立即離開此公司?

emoticon唔需要,我仲會因為咁而更加做好o的,一來唔會俾佢睇死,二來亦唔想無o左封寫得比較好o既reference letter。當佢以為你係順民,交哂好多野落黎俾你做,然後呢,你一野q起佢,就算佢要train番個人replace哂你都無咁快。再者,咁樣亦係一個讓自己過得正面o的既方法,係就係亞Q o的,但少不忍,則亂大謀。

.如你知道推掉的那個職位還沒請到人,你會否嘗試再申請?

emoticon問題係,咁樣反覆,果間公司會覺得你玩野,入到因為呢o的事而搞花個record就更加唔抵。最麻煩係新公司係細公司,o的野傳得可能比大公司快(大公司可能只係HR知)。到時響同事面前得到玩野o既印象,驚以後好難做野。

如果你是上司: .既然會令員工反感、甚至離職,你會否用謊話留住員工?

emoticon會,如果我唔咁做,邊個出糧俾我。除非知道佢人格超級玩野,係麻煩友,早走早著。否則hold住佢先,再搵人預計佢會走而replace佢,時間都充足o的。

.或者你背後另有苦衷?只是被夾著的中層管理人?

emoticon 做得呢o的位,就要食傢啦,只係睇o下你點解畫。點樣解到個同事又唔意,上司唔炸型,跟本好睇自己平日做幾o左多功夫o者。


[引用] | 作者 | 14th Jun 2006 | [舉報垃圾留言]

[8]

若我是jan,我會立即辭工。以表示對公司之不滿。雖說找到新工才辭亦可,但這樣會令這間無良公司也覺得我是需要他。所以我會立即辭,努力於一個月通知期內找新工作。

若我是上司,我不會那樣做。


[引用] | 作者 yannn | 14th Jun 2006 | [舉報垃圾留言]

[7]

如果你是Jan:
.會否認為自己太天真,在沒有黑紙白字承諾下就推掉新工?是有點天真, 不過當教訓也好, 上了人生寶貴的一課.
.你還會否在此公司多留半年,等待機會?如果經濟上沒有問題, 一定會即時離開. 誠信是最重要的東西, 這種上司不要也罷.
.你會否因為上司食言,而立即離開此公司?同上.
.如你知道推掉的那個職位還沒請到人,你會否嘗試再申請?不會, 吃回頭草最老土, 巿場上機會多的是.

如果你是上司:
.既然會令員工反感、甚至離職,你會否用謊話留住員工?我永不會阻人發達, 最鼓勵員工轉職.
.或者你背後另有苦衷?只是被夾著的中層管理人? 也不用說謊吧? 這是人格問題.


[引用] | 作者 CAN | 14th Jun 2006 | [舉報垃圾留言]

[6]

以下回覆, 或有點偏激, 請勿動氣

.會否認為自己太天真,在沒有黑紙白字承諾下就推掉新工?>>第一份工的話還好, 工作超過一年的話就天真得可怕
.你還會否在此公司多留半年,等待機會?>>騎虎難下, 但係啖氣真係忍得到?真係忍X忍X都唔忍佢啦
.你會否因為上司食言,而立即離開此公司?>>完全唔使考慮, 即走!
.如你知道推掉的那個職位還沒請到人,你會否嘗試再申請?>>咩申請, 直頭打過去搵新老闆傾計啦, 重要扮晒復仇者投身佢公司誓要打殘舊公司添

如果你是上司:
.既然會令員工反感、甚至離職,你會否用謊話留住員工?>>管理層的謊話不會讓下屬知道, 知道了就不會是謊話, 是通知...所以對員工不會說謊話
.或者你背後另有苦衷?只是被夾著的中層管理人?>>背後有苦衷的話, 要看看下屬是否值得愛護吧? 值得愛護的會盡可能提點一下她應該跳槽..., 面目可憎的話...嘿嘿! 還有另一個可能性, 苦衷是喜歡上下屬, 只好用盡方法將對方留下...

 


[引用] | 作者 penny | 14th Jun 2006 | [舉報垃圾留言]

[5]

阿Jan當然不會是我,很多謝大家的意見,希望Jan會看到…


[引用] | 作者 poonwinghang | 13th Jun 2006 | [舉報垃圾留言]

[4]

如果你是Jan:
.會否認為自己太天真,在沒有黑紙白字承諾下就推掉新工? <--- 絕對天真!
.你還會否在此公司多留半年,等待機會?<---先問問自己可否面對那班無良的人半年嗎?
.你會否因為上司食言,而立即離開此公司?<--- 立即尋找新工! 有機會即時離職(如果還忍受到的話~)
.如你知道推掉的那個職位還沒請到人,你會否嘗試再申請?<---看看有否跟新公司說出未能上班的真實原因,如沒有的話可再嘗試!(當然要找另一個藉口啦~)

如果你是上司:
.既然會令員工反感、甚至離職,你會否用謊話留住員工?<---我相信現在大部份的上司不會跟你講感情!
.或者你背後另有苦衷?只是被夾著的中層管理人?<--- 絕對不會! 在商業裡只有"利用"沒有"苦衷"!!

ps: 希望不要怪我太多口啊~emoticon


[引用] | 作者 WhisKA | 13th Jun 2006 | [舉報垃圾留言]

[3]

如果我係jan,
我會留低但會立刻搵新工, 搵到即走。因為我從來不會同錢有仇。即走冇錢又冇工。
如果我係佢上司,
會train人接替jan, 目前暫時幫公司留咗個人。
haha, 我肯定好有機會升上神枱。


[引用] | 作者 bj | 13th Jun 2006 | [舉報垃圾留言]

[2]

如果我係上司:
只是被夾著的中層管理人
如果我是Jan:
立即離開此公司
如果我真係呢個上司:
我冇靣見人!


[引用] | 作者 金婆婆 | 13th Jun 2006 | [舉報垃圾留言]

Next