香港新浪網 MySinaBlog
« 上一篇 | 下一篇 »
poonwinghang | 9th Aug 2006 | 有關社會政治

平均分: 10.00 | 評分人數: 2

Picture

以下是一般街坊對「888 香港熄燈」行動的疑惑:

點解係熄燈唔係熄冷氣?熄冷氣有用好多。
點解係888 唔係777?999 屋企先有人啊!
點解唔係大陸熄三分鐘,佢地熄三分鐘都夠我地用一年。
熄完燈都唔代表之後會慳電啦!
又開又熄會唔會仲晒電?
一齊開一齊熄會唔會跳掣?
特首又話想要藍天,點解又唔支持下環保?
點解熄燈會嚇怕遊客?嘩!香港大停電啊!
點解熄燈會破壞香港形象?
環保同文明生活有無衝突?文明生活又係乜?

…… 

熄完燈,又點啊?

今日重看「香港熄燈」的有關報導,我並不打算以言入罪,但主辦人說:「他相信今日參加活動的以住宅為主,生活水平較高的地區如跑馬地、薄扶林及愉景灣會有較多人參與。」這句,聽下去有點不快。為什麼他們會認為生活水平較低的人環保意識會較差?

主辦人Alastair Robins 又認為:「認為行政長官曾蔭權錯失了一個團結市民對抗環境污染的機會,也是政治上的一個錯失。」的確,特首一面說支持環境,要香港重現藍天,但又是否代表所有由民間發起的環保活動,政府都要參與?我並不認為政府不參與會錯失任何基會,更不是政治上錯失。但政府的解釋,卻令人啼笑皆非。

另一篇報導指,「綠色和平項目主任張韻琪昨到蘭桂坊視察酒吧參與的情況,她認為,熄燈行動成功喚起公眾關注本港的空氣問題。」我並不認同他的講法。其實香港人一早知道空氣質素問題,這是切身的。保護環境,的確是政府和我們大眾一個很重要的任務,但熄燈的作用又有多少?這類活動又可以令市民明白到什麼?看反應已知一二。環保最主要是教育、意識上的培養,而不是做Show 般叫人在某時某刻某個動作、或少用某項東西。

如果還要舉辦同類活動,希望主辦單位花更大力度推廣「熄燈」背後的意義,而非「熄燈」這動作。更不要扣下帽子,將「不熄燈」的人和機構歸納為不環保。因為,我不認同這行動,絕不代表我不環保。

在不少人心目中,熄燈仍然是個迷。市民的環保意識有否提高,更是未知之數。


[49] 親愛的朋友

親愛的朋友.祝您倆越來越甜蜜蜜唷
搞定美眉
av每片45元
催情春藥
ca10a451-2bcf-48e2-b091-4c4bc4395394


[引用] | 作者 爆奶女 | 26th Jul 2011 | [舉報垃圾留言]

[48]

888 is a kind of campaign, it's promotes and encourage Hong Kong people to concern the global warming issue!!!!! I support it!!!

Plz! Don't be selfish and keep this issue in your mind! THANK YOU!


[引用] | 作者 Wendy | 29th Oct 2007 | [舉報垃圾留言]

[47]

我都寫左篇文講環保﹐得閒比個面睇睇啦﹗

我覺得叫香港人環保﹐不如叫香港人慳D(唔係鬧人意思)﹐平時唔好咁浪費﹐唔好亂買野﹐忍得到就盡量唔好開冷氣仲好啦﹗

果D咩鬼環保組織搞咩D熄燈活動﹐都多餘0既﹐除左做show博見報之外﹐你話實際慳得幾多電呀﹖


[引用] | 作者 文少 | 22nd Aug 2006 | [舉報垃圾留言]

[46] Re: CK

綠色和平一向都是激進。只是香港的綠色和平比之前真的看似「激進」很多,可能現在的員工,很多都是當年的學聯成員吧。

CK :
這次行動...做騷味道太重﹐綠色和平感覺上近來好像越來越激進...


[引用] | 作者 poonwinghang | 22nd Aug 2006 | [舉報垃圾留言]

[45]

這次行動...做騷味道太重﹐綠色和平感覺上近來好像越來越激進...


[引用] | 作者 CK | 22nd Aug 2006 | [舉報垃圾留言]

[44] Re: 文少

上便有個人講得好啱
熄冷氣睇唔到嘛…
如果以俾人睇到既角度,熄燈好好多…

文少 :
呢單野斷估都係做show多過乜啦﹐講真熄次燈可以慳幾多電﹖
講真﹐熄燈不如熄冷氣啦﹗講食電﹐冷氣勁過開燈多多聲﹐仲聽講開冷氣會放D毒氣出黎﹗而且唔開冷氣又唔洗死0既﹐熱D咋嘛﹗不過香港人身矯肉貴﹐你叫香港人唔好開冷氣訓覺﹐不如叫佢地去死啦﹗


[引用] | 作者 poonwinghang | 22nd Aug 2006 | [舉報垃圾留言]

[43]

呢單野斷估都係做show多過乜啦﹐講真熄次燈可以慳幾多電﹖

講真﹐熄燈不如熄冷氣啦﹗講食電﹐冷氣勁過開燈多多聲﹐仲聽講開冷氣會放D毒氣出黎﹗而且唔開冷氣又唔洗死0既﹐熱D咋嘛﹗不過香港人身矯肉貴﹐你叫香港人唔好開冷氣訓覺﹐不如叫佢地去死啦﹗


[引用] | 作者 文少 | 22nd Aug 2006 | [舉報垃圾留言]

[42] 環保=美麗

如果大家都注重環保,所有生物必定更美麗!天空啦,植物啦,海水啦...當然人都健康美麗啦!!!環保人人有責!


[引用] | 作者 AC | 12th Aug 2006 | [舉報垃圾留言]

[41] Re: River

呢個我真係唔清楚
不過用爉獨邊夠啊,同埋唔安全

River :
有些人熄左燈, 但點爉獨...點爉獨會環保D?


[引用] | 作者 poonwinghang | 12th Aug 2006 | [舉報垃圾留言]

[40]

有些人熄左燈, 但點爉獨...
點爉獨會環保D?


[引用] | 作者 River | 11th Aug 2006 | [舉報垃圾留言]

[39] Re: Bee

個人都認為幻彩詠香江唔好睇,但係官僚主義嘛,點可以你外人叫佢唔好攪一次就唔攪?我諗,熄唔熄都係其次,而係果d公司內部會唔會做其他野推廣環保。不過,好多公司其實都無。


[引用] | 作者 poonwinghang | 11th Aug 2006 | [舉報垃圾留言]

[38] Re: ming

真係?或者你可以解答容子既煩惱。究竟慳電膽係點運作,點解熄一熄仲食電?

ming :
我冇熄燈,因為屋企用慳電膽,熄一熄,仲食電﹗


[引用] | 作者 poonwinghang | 11th Aug 2006 | [舉報垃圾留言]

[37] Re: 容子

慳電胆我真係唔知.. 因為我屋企都好似無用開

容子 :
其實我一直都想問,我以前去買慳電胆時,個店員話慳電胆慳電好多,千期唔好成日又開又熄,咁反而仲浪費電同埋個慳電胆會短命好多。其實係唔係ga,定係佢蝦我係無知師奶亂講一通?


[引用] | 作者 poonwinghang | 11th Aug 2006 | [舉報垃圾留言]

[36]

我真係好唔明點解幻彩詠香江唔可以停一下。咪就係呢個節目搞到海港上空時時都灰灰的,連背景D大廈燈都變得暗淡了。我陪海外來的客人睇過幾次,對唔住,我實在唔覺得個D spot light 射來射去有咩好睇。
既然要得到大家認知環保個重要,點解又唔會同商業機構推廣一下,當日不知多少商業機構一於燈照開,話之你!總之覺得這個888一D都不痛不癢。


[引用] | 作者 Bee | 11th Aug 2006 | [舉報垃圾留言]

[35]

我冇熄燈,因為屋企用慳電膽,熄一熄,仲食電﹗


[引用] | 作者 ming | 11th Aug 2006 | [舉報垃圾留言]

[34]

其實我一直都想問,我以前去買慳電胆時,個店員話慳電胆慳電好多,千期唔好成日又開又熄,咁反而仲浪費電同埋個慳電胆會短命好多。其實係唔係ga,定係佢蝦我係無知師奶亂講一通?emoticon


[引用] | 作者 容子 | 10th Aug 2006 | [舉報垃圾留言]

[33] Re: SlowMan

我本身都認為係咁,但睇到報導,主辦單位好似講到今次活動提高了香港人環保意識,又是節約能源的開始,我就懷疑佢地唔係咁諗。

SlowMan :
其實呢啲嘢都係攪gimmick居多, 目的都係想多啲人關心吓環保問題啫.有冇參加真係唔重要, 最緊要係知道背後o既原因, 同埋日後肯身體力行.


[引用] | 作者 poonwinghang | 10th Aug 2006 | [舉報垃圾留言]

[32] Re: X-devil

好多人都係咁,或者係佢地早放工,又或者你可以考慮熄公司果d。

X-devil :
大佬呀, 八點我仲係公司做到仆街, 熄乜野燈呀 !!!!


[引用] | 作者 poonwinghang | 10th Aug 2006 | [舉報垃圾留言]

[31]

大佬呀, 八點我仲係公司做到仆街, 熄乜野燈呀 !!!!


[引用] | 作者 X-devil | 10th Aug 2006 | [舉報垃圾留言]

[30]

其實呢啲嘢都係攪gimmick居多, 目的都係想多啲人關心吓環保問題啫.
有冇參加真係唔重要, 最緊要係知道背後o既原因, 同埋日後肯身體力行.


[引用] | 作者 SlowMan | 10th Aug 2006 | [舉報垃圾留言]

Next