香港新浪網 MySinaBlog
« 上一篇 | 下一篇 »
poonwinghang | 25th Jan 2007 | 有關社會政治, 無聊文字

平均分: 10.00 | 評分人數: 1

報紙是笑話的最大來源,每日國際兩岸版都會有不少奇人奇事。近日,連港聞版亦是如此。睇完,或者會有人好認真好認真問:咁既大話都會有人信?無可能!

第一單:前解放軍呃一元囚兩月
22歲前解放軍,自稱受傷退役需要供養公母,憶起在電視中曾看見香港有賣旗活動,於是自製假旗袋及旗仔,於去年十二月二十五日在街頭假扮慈善團體賣旗籌款。可惜被巡警悉破,當時假旗袋中只有硬幣23.5 元。最後,朱姓青年被判監兩個月。

此年輕人以為自己有條好橋,但無查清楚香港只會在星期三或星期六賣旗。在其他時間賣旗,整條街又只得你一個,警察又會無可能懷疑?又或者,他應該認真考慮賣獎券,一張二十元,不易被發現是假的。不過官鬧得好,利用香港人的同情心極之低劣,以後就無人會再做善事?要呃,請另呃其他。

第二單:警方偵破假金礦騙案拘三名持雙程證男子
三名騙徒聲稱在馬鞍山挖到大批金器,當中包括八十三個假金元寶、三尊假金佛、三片真金、古錢及一些舊紙幣,聲稱值約一百五十萬元,並向一名印尼華僑訛稱急需用錢,願以三十六萬元轉讓。該印尼華僑生疑報警,最後於元朗一酒樓交易時將他們拘捕。

如果有人無端端話你聽:我掘到金,你買唔買啊?大部份人都可能會當作笑話,現場立即笑到碌地。但這三人組,會用少少真金去金鋪驗,令你相信。咁大檯戲,難怪之前會有人中招。

第三單:百佳油魚充鱈魚或惹官非
百佳超級市場將「油魚」假扮「鱈魚」出售,已有很多人討論過,不在此詳談,如:「庫斯克的床 - 百佳,Shame on You!」。

經此一役,建議以後街邊小食檔可以賣「魚翅(碗仔翅、即粉絲冬菇等)」及「鮑魚(麵粉)」,這是無罪的。你買你笨。

第四單:日右翼拍戲否認南京大屠殺
聽這類新聞已經聽到厭,今次要拍戲:「這套名為《南京真相》的電影,將由右翼電視台高層水島聖(譯音)執導,預料將於8 月拍成,其內容將以日本老兵的證詞、歷史檔案影片和文件為主,主調是否認南京大屠殺」,還希望在國際影展播出。

報導中最後那人士說得對:「他們說電影是要傳達南京屠殺的真相,但他們其實只會給日本帶來更大恥辱。這舉動只會顯示他們無能力面對日本侵略戰爭的歷史。」到底,他們是真心相信南京大屠殺是假的,還是一心「死撐」?

要別人尊重自己,第一點是要承認錯誤。

不過,同類太話已經聽得太多,例如:
大躍進期間沒有任何人餓死!
伊拉克有大殺傷力武器!
沙士沒有在社區擴散!
甚至:美國曾經登月…

大話嘛,說得好、說得過可能靠幸運,但拆穿了只會更樣衰。


[38] Re: HEI

又不可以這樣說
但你看看日本每年紀念原爆,就知道某程度上想找個下臺階,甚至以受害者自居。

HEI :
自問對日本的態度是中立的,不過看報導說日本要「搞清楚南京大屠殺的真相」,真是無名火起。
又不是要報復,屠殺你五十萬人甚麼的,錯了就認吧!


[引用] | 作者 poonwinghang | 28th Jan 2007 | [舉報垃圾留言]

[37] Re: 方潤

也是…
九一一可能是美國自導自演,貓王可能上了火星…

方潤 :
「登月」不算是「被證實為大話」的事吧﹖
美國那些陰謀論者,可以懷疑歷史上的一切事件。既然甘迺迪沒有死,美國人自然也沒有上月球了吧。


[引用] | 作者 poonwinghang | 28th Jan 2007 | [舉報垃圾留言]

[36]

自問對日本的態度是中立的,不過看報導說日本要「搞清楚南京大屠殺的真相」,真是無名火起。

又不是要報復,屠殺你五十萬人甚麼的,錯了就認吧!


[引用] | 作者 HEI | 28th Jan 2007 | [舉報垃圾留言]

[35]
Mo媽 :
見到"老x傷殘協會"連續幾日係街度買獎券
我月都用人工2-3%俾非謀利組職, 但不論真假都從來唔會買獎券同買旗.
Admin cost 咁高其實係浪費大家時間, 而且要咁細數目, 人員好多都唔知自己個會做甚麼.
每次有人叫我買旗, 通常都會問一句"你地個會做咩架?" 通常都答唔出.
另一個原因為係買獎劵冇得退稅!


[引用] | 作者 hokuto | 27th Jan 2007 | [舉報垃圾留言]

[34]

「登月」不算是「被證實為大話」的事吧﹖

美國那些陰謀論者,可以懷疑歷史上的一切事件。既然甘迺迪沒有死,美國人自然也沒有上月球了吧。


[引用] | 作者 方潤 | 27th Jan 2007 | [舉報垃圾留言]

[33] Re: 阿力~

成語都有話啦,三人成虎啊

阿力~ :
即係娛樂版~寫一次無人信,寫多幾次d人把口語唔信,但其實信晒~~我身邊太多呢d人~~~大話原來講多幾次就真係有人信~~慘~~


[引用] | 作者 poonwinghang | 27th Jan 2007 | [舉報垃圾留言]

[32]

即係娛樂版~寫一次無人信,寫多幾次d人把口語唔信,但其實信晒~~我身邊太多呢d人~~~大話原來講多幾次就真係有人信~~慘~~


[引用] | 作者 阿力~ | 27th Jan 2007 | [舉報垃圾留言]

[31] Re: evereclipse

所以測謊機就有用啦
過唔到自己,最易露出馬腳

evereclipse :
其實要講大話好易.要過到自己o個關.. 而且唔會作心虛.先至係成個過程最難既事...
要呃人.. 大概都要先自我催眠吧?


[引用] | 作者 poonwinghang | 26th Jan 2007 | [舉報垃圾留言]

[30]

其實要講大話好易.
要過到自己o個關.. 而且唔會作心虛.
先至係成個過程最難既事...

要呃人.. 大概都要先自我催眠吧?


[引用] | 作者 evereclipse | 26th Jan 2007 | [舉報垃圾留言]

[29] Re: 早安

呢d就叫泥足深陷。就好似用咭黎還咭數咁。

早安 :
大話嘛...特點係會令人講上癮...而且會愈講愈大...此之為「大話」...


[引用] | 作者 poonwinghang | 26th Jan 2007 | [舉報垃圾留言]

[28] Re: MaG.

宜家咩都可以假,唔通以後識女仔之前都要問佢係油魚定鱈魚?

MaG. :
連油魚都搵蕭定一幫佢整容變成鱈魚, 可惜假野最後都係瞞唔到人..^^


[引用] | 作者 poonwinghang | 26th Jan 2007 | [舉報垃圾留言]

[27] Re: 細k

南京大屠殺?係唔係發哥果套?

細k :
對住呢D大話,真係5知應5應該教D細路仔「誠實」。。。and,聽聞有中國人係美國拍左套講「南京大屠殺」的戲,所以日本要拍南京「真相」。


[引用] | 作者 poonwinghang | 26th Jan 2007 | [舉報垃圾留言]

[26] Re: Mo媽

其實普通咁你真係分唔到,唯有係只幫襯出名既慈善團體。又或者打去社黯查詢,因為所有籌款活動,時間地點都要事先申報。


[引用] | 作者 poonwinghang | 26th Jan 2007 | [舉報垃圾留言]

[25]

大話嘛...特點係會令人講上癮...而且會愈講愈大...此之為「大話」...


[引用] | 作者 早安 | 26th Jan 2007 | [舉報垃圾留言]

[24] Re: Re: 笨爸
poonwinghang : 呢d咪叫盲目囉!笨爸 :最尾果單真係弱智,佢地有冇做過research,自己國民都唔信啦!
上日文wiki都有得睇,就算你淨係識得漢字都大概知講緊咩啦,日本新一代雖則話唔係個個都咁有求知慾,但你想將歷史推翻,都唔係話拍套戲就得!


[引用] | 作者 笨爸 | 26th Jan 2007 | [舉報垃圾留言]

[23]

無奈‥


[引用] | 作者 卓妮爾 | 26th Jan 2007 | [舉報垃圾留言]

[22]

連油魚都搵蕭定一幫佢整容變成鱈魚, 可惜假野最後都係瞞唔到人..^^


[引用] | 作者 MaG. | 26th Jan 2007 | [舉報垃圾留言]

[21]

對住呢D大話,真係5知應5應該教D細路仔「誠實」。。。
and,聽聞有中國人係美國拍左套講「南京大屠殺」的戲,所以日本要拍南京「真相」。


[引用] | 作者 細k | 26th Jan 2007 | [舉報垃圾留言]

[20]

見到"老x傷殘協會"連續幾日係街度買獎券,好懷疑佢地係假架,用易拉架放係街既一角,枱都冇張,幾個著住製服孭住錢袋賣$20一張既獎券,好可疑...仲要連續幾日見到!

咩賣獎券可以連賣幾日架咩? 仲有老既,弱者,傷殘都要幫,要籌幾多錢先夠?個機構咪要好大?

咁我用幾十蚊整個易拉架,整幾件製服,印幾疊獎券,錢袋,搞個幫助"無知婦孺協會"都ok啦咁!

有冇人知點check佢地係咪合法賣獎券架呢? 好似要申請係街賣,有個編號?


[引用] | 作者 Mo媽 | 25th Jan 2007 | [舉報垃圾留言]

[19] Re: 笨蛋熊貓

但宜家既法律,就要叫人在做錯事之後不要去認錯,而是搵很多不同不的藉口為自己開脫…就算藉口有多白痴,無罪就好了。

笨蛋熊貓 :
嗯, 像很多失言或做了過火的事的情況 我都覺得當事人企圖以「只是開玩笑」來脫罪, 真是可以敬他們一句「邊有人信」.
做錯了事肯認, 總惹人同情, 易於得人原諒. 用些幼稚借口來企圖脫罪或死撐, 就「衰」多一樣「當其他人是白痴」.


[引用] | 作者 poonwinghang | 25th Jan 2007 | [舉報垃圾留言]

Next