香港新浪網 MySinaBlog
« 上一篇 | 下一篇 »
poonwinghang | 30th Jan 2007 | 有關社會政治

管理多達一百八十個公屋及居屋商場的領匯更換主席,意味單一大股東英國對沖基金TCI,將調整租務政策以得到更好回報。

無錯,領匯股價的確是節節上升,但公屋居民不難發覺,附近商場店舖已經開始和其他大型商場接軌。原來的街坊小生意不見了,而物價亦越來越貴。早前領匯大幅增加食肆租金,引致原來商戶遷出,除了令公屋居民不便之外,而一眾上了年紀的老僱員不獲續用,亦間接加劇基層失業情況。

有錢買領匯的一群自然會笑開眉,但無錢買股票的基層呢?在經濟起飛之下,他們仍要面對隨時失業、低工資、物價飆升,生活又可以怎樣過?新年原本是開開心心,對於他們來說卻是「愁人節」。

不過話說回來,自由經濟下,貧富懸殊的確難以避免。但在香港這彈丸之地,富和貧混雜一起生活、面對同一市場,似乎比其他地方的貧困戶更苦。

  • 引述 :『鄭明訓以「個人意願」為理由辭職實際是來自TCI 對其表現的不滿,其實自TCI 入股領匯一成八股權後,一直不滿領匯的租務政策,認為公司的回報應該能夠有更好的表現。』
    稅金上升最後轉嫁消費者,公屋戶怎樣過?
  • 引述 :『本港經濟在過去十年錄得穩步的增長,大部分家庭都能享受經濟起飛帶來的成果,收入有所增加,惟政府最新資料顯示,每月收入低於4000 元的貧窮家庭數目卻有增無減,在十年間急升逾一倍近十九萬個。』
    有錢買股就發達,咁無錢買股呢?
  • 引述 :『有低收入人士卻直言「唔要過年過節」,指不但未在經濟增長中受惠,而新年更只加重其生活及精神壓力。』
    在傳媒報導市道好轉的背後,反而令更多人活在壓力中。
  • 引述 :『當日領匯人人有一手,以為發達還富於民啦,點知會搞到今日咁…』
    一個虛構故事,當日賺了一手,今日分分鐘要雙倍奉還。


[47]

kl,係2004年尾的"千禧年代",過了兩年多,"香港電台"應該再沒有網上重溫,因為"港台"通常只能網上重溫一年內的節目.不過,可能仲有儲存檔案.當年,兩名嘴被封咪,沒有反擊的平台,"長毛"和"鄭大班"剛剛做議員."石鏡全"成日在"晨光第一線",棍打落水狗.咁你自己諗下"石鏡全",係啲咩人囉.


[引用] | 作者 癲狗 | 3rd Feb 2007 | [舉報垃圾留言]

[46] 找不到 re:作者 癲狗

我重溫了整個"千禧年代",都聽不到石鏡泉的聲音, 不過倒聽到有個phone-in的黃(王)生鬧鬼石鏡泉及主持周融, 指責他們是領匯股民而不斷砲轟一個盧婆婆, 雖然周融否認持有領匯, 不過那聴眾似乎不相信. 之後仍有2位嘉賓及很多的phone-in都是講領匯這subject, 但始終到未聴到有石鏡泉的出現. 我重溫的是31/1的, 請問我是否錯選了日期, 請問是那一天的, 請相告。


[引用] | 作者 kl | 2nd Feb 2007 | [舉報垃圾留言]

[45]

可以角色扮演,比較好玩.


[引用] | 作者 影帝 | 2nd Feb 2007 | [舉報垃圾留言]

[44]

不乜特別原因,我只覺得用唔同網名,好玩D.


[引用] | 作者 盧少蘭 | 2nd Feb 2007 | [舉報垃圾留言]

[43] Re: 盧少蘭

你不如寫篇文,講下自己既睇法啦
一句,大家點明?

仲有,其實你可以用番自己個名,或者作個筆名,唔好成日用人個名,咁唔受歡迎。

盧少蘭 :
香港電台"石鏡全",主張賤賣"領匯".


[引用] | 作者 poonwinghang | 2nd Feb 2007 | [舉報垃圾留言]

[42]

香港電台"石鏡全",主張賤賣"領匯".


[引用] | 作者 盧少蘭 | 2nd Feb 2007 | [舉報垃圾留言]

[41]

Hang,我唔識你,同你無仇無怨,你部份的要求,我亦即時遷就你,你點解仲刪我D留言呢?如果,你針對我,可以即管開聲喎.我的留言,係針對"石鏡全",全部係事實.我最憎啲Bloggers,見到自己唔鐘意的留言,就隨便delete,我唔想同你結怨.


[引用] | 作者 盧少蘭 | 2nd Feb 2007 | [舉報垃圾留言]

[40]

關於石鏡全既事你下面果幾個留言已經鬧得好夠,要睇既到會睇到。


[引用] | 作者 poonwinghang | 2nd Feb 2007 | [舉報垃圾留言]

[39]

對唔住,你既留言又唔解釋,只係「大字」話呢個唔啱,果個唔啱,咁真係有好問題。如果你真係覺得你咁有道理,你可以開個Blog 大寫特寫,而唔洗係人地果度留埋d大字。

如果你話我係又delete 唔係又delete,你下下面果幾個我有無?你自己諗下啦,唔係大聲就代表有道理。

仲有,你登人地個電話就更加唔啱,你到底明唔明,講完,你再留我都係delete!


[引用] | 作者 poonwinghang | 2nd Feb 2007 | [舉報垃圾留言]

[38]

人身攻擊既留言唔太歡迎
對唔住,多一個delete 一個


[引用] | 作者 poonwinghang | 1st Feb 2007 | [舉報垃圾留言]

[37]

emoticon 賤賣"領匯"的後遺症,即將爆發.節目重溫 30-1-2007,"智取太平山".http://www.radio71.hk/blog/index.php?cat=4&ctt=2


[引用] | 作者 盧婆婆 | 31st Jan 2007 | [舉報垃圾留言]

[36]

emoticon  上網節目重溫http://www.prhk.org/ ,12-10-2006,19-10-2006"風蕭蕭",聽"蕭若元"的分析,好過啦,我剩係相信"蕭若元"的分析.現在,在注流媒體,其他的狗流分析員,全部都係垃圾,聽他們,簡直浪費時間.eg:"鄧聲馨"讚成地鐵鯨吞九鐵,九鐵沿線物業估值$3000億,地鐵以二百幾億,仲扮可鄰,分50年繳帳,因為"鄧聲馨"是地鐵股東.所以,香港10年經濟不景,地鐵車費冇減過價,市民叫苦連天,新界北區居市,車費尤其惡劣. 

 


[引用] | 作者 格林斯潘 | 31st Jan 2007 | [舉報垃圾留言]

[35]

emoticon 兩年多後,"領匯"炒三千個保安員,包裝改名叫客戶服務助理,聘情後生仔.上星期,施政報告,"工聯會:陳婉嫻"等人,竟然咁厚臉皮,鬧政府點解唔為"最低工資立法","廣志堅"又話要司法覆核,鬧政府鬧得最惡,真係神又係佢,鬼又係佢.


[引用] | 作者 癲狗 | 31st Jan 2007 | [舉報垃圾留言]

[34]

emoticon 當年,所有"保皇黨"都讚成賤賣"領匯","梁錦松"又用財赤為藉口,將所有政府部門的清潔工,保安員,夜中學外判,削減公務員福利,改聘請合約員工,一筆過撥款社會福利界,攪到社工界叫救命,"工聯會:陳婉嫻"冇出來反對,更冇撐"鄭大班",反而縱容很多"維園阿伯"怒斬"鄭大班,梁國雄"的恐嚇說話.而且,當年,曾經為"最低工資"立法,"立法會"投票期間,"陳婉嫻"有心缺值,變了棄權票.


[引用] | 作者 癲狗 | 31st Jan 2007 | [舉報垃圾留言]

[33]

emoticon 2003年"鄭大班"反對"領匯上市,賤賣資產,全香港人當他係公敵,香港電台"石鏡全"在"晨光第一線",,更口出逛言,現在,大家明白"鄭大班"點解比人斬啦,後來,警察捉到疑犯,又認唔到人,說話含意點解當天斬唔死佢,現在,阻人發達.幾分鐘後,"千禧年代"訪問"石鏡全",他即刻變了另一個人,說話一本正經,扮斯文,講另一種態度的對談.


[引用] | 作者 癲狗 | 31st Jan 2007 | [舉報垃圾留言]

[32]

emoticon 今朝 31-1-2007,我睇到"經濟日報"的社論 ,對賤賣資產,將"領匯"上市私有化,哭老鼠假慈悲的評論,真係好好笑!"石鏡全"除咗係幫 Sina 出書,"Why We Blog"的社長外,他仲係""經濟日報"的老總,希望,各位Bloggers,仲有小小良心,唔好忘記.賤賣"領匯"後,最近,炒九百個保安,酒樓執笠,西醫上街示威...等.


[引用] | 作者 影子特首 | 31st Jan 2007 | [舉報垃圾留言]

[31] Re: Re: 重案16
poonwinghang :
所以當年我是反對領匯上市的明知有賺,都無買,買左,好似出賣左其他人咁
重案16 :我覺得問題係政府身上,當年賣清所有資產已經有問題,今日一句"領匯係上市公司"便把責任推得一乾二淨,地鐵夠係上市公司啦,地鐵有事睇吓佢會唔會出聲!

me2


[引用] | 作者 重案16 | 31st Jan 2007 | [舉報垃圾留言]

[30] Re: carson

都係果個問題,慘就慘在唔係人人都有錢炒。

carson :
當全香港的人都靠炒股票生活的時候,人心就想僧推向為自己利益方面,比如把泳池呀,運動場上市等等.因為他們覺得在股票上找到的錢比使用設施時付出的多.


[引用] | 作者 poonwinghang | 31st Jan 2007 | [舉報垃圾留言]

[29]

當全香港的人都靠炒股票生活的時候,人心就想僧推向為自己利益方面,比如把泳池呀,運動場上市等等.因為他們覺得在股票上找到的錢比使用設施時付出的多.


[引用] | 作者 carson | 31st Jan 2007 | [舉報垃圾留言]

[28] Re: 粉雷雷

唔係馬後炮,我一早都唔支持領匯上市!
呢句我都想講!

如果用圖書館上市,可以預見全部變曬DVD 同漫畫,仲要每本書收你十九幾蚊之類。市場導向嘛,文學書可以拎曬去燒。

粉雷雷 :
唔係馬後炮,我一早都唔支持領匯上市!領匯商場根本唔係一盤生意,而係公共設施,公屋居屋0既配套,唔通你又拎公園、游泳池同圖書館去上市!
個陣個個都鬧盧婆婆,話佢搞事,拿,而家自作孽啦!
我未住過公屋,我亦唔0係領匯開檔,我唔會受影響,但係我都好慶!
香港真係愈搞愈衰!


[引用] | 作者 poonwinghang | 31st Jan 2007 | [舉報垃圾留言]

Next