香港新浪網 MySinaBlog
« 上一篇 | 下一篇 »
poonwinghang | 29th Mar 2007 | 有關社會政治

平均分: 7.67 | 評分人數: 3

早前因為「McJob」一詞,被收入牛津英語字典,解作「低薪、無聊且沒有什麼前景的工作」的工作云云而惹來麥當勞方面的不滿。

麥當勞解釋說,不是嘛,我們也有很多管理層,包括CEO 都是由基層做飽賣飽的,一步一步由分店經歷晉升至管理層。所以,McJob 其實是很有前途的。但先且看今天的另一單新聞:廣州麥當勞兼職時薪4 元

報導調查了廣州三家美式餐飲巨頭麥當勞、肯德基、必勝客,對員工待遇的情況,而在兼職方面特別震驚:肯德基兼職員工時薪為4.7 元人民幣,必勝客5.8 元,麥當勞最低、只有4 元。即是一小時的工作,連買一杯汽水也不夠。

很難想像,一個由中國農村到城市的民工,最後可以成為跨國集團的CEO。或者McJob 有前途,只限於有美國本土麥當勞、而且具備學歷的員工。在其他地方,例如香港,麥當勞的兼職仍然是低學歷、低技術員工,被跨國企業剝削的重災區。

麥當勞作為全球大型連鎖集團,分店遍佈世界六大州百多個國家,比較之下,各國不同情況亦能成為某些經濟、社會情況的指標。如巨無霸指數,是以「一個國家的巨無霸以當地貨幣的價格,除以另一個國家的巨無霸以當地貨幣的價格」,而測量兩種貨幣的匯率理論上是否合理。

除此之外,巨無霸亦可成為生活水平和貧富懸殊的指標。如有組織曾經做過,以該地麥當勞兼職時薪和巨無霸價格來比較,以得出員工要工作多久才能買到一個巨無霸。

根據去年各地巨無霸售價,香港麥當勞一般15 元時薪的兼職,工作48 分鐘就能買到價值12 元的巨無霸;但如天水圍10 至12 元時薪來計算,就至少要1 小時或以上。而廣州,以4 元時薪計算,就需要兩個半小時左右,才買到價值10.5 元人民幣的巨無霸。

麥當勞在於一些發達地區,低下階層每月亦有能力光顧麥當勞數次。舉個例子,就算是美國的最例工資5.15 美元一小時來計算,只要半小時多點點的工作,就能買到價值3.1 美元的巨無霸。但就如中國的麥當勞兼職,甚至農民,收入在千元以下的,麥當勞更像是奢侈品。


[38] Re: Re: 膽小貓
poonwinghang :
不過,如果咁既價錢都有人做佢地點解俾唔出?都係供求關係
膽小貓 :$4?真係太過份喎。不過我知道中國的麥當勞是以特許經營權經營,所以是由那間店鋪的老板自行決定。

內地人用一小時多的工資去換取一個巨無霸; 香港的用四十八分鐘; 美國人用半小時多點點; 撇除有否前途不說, 工作一小時的工資的差別也已經很大, 這已經可看出McJob制度剝削得多厲害; 況且這類連鎖快餐店亦扼殺了其他小食店的生存能力, 令工作供應減少, 而勞力不變的話, 始終工作者都要向現實低頭, 薪金自然有下調的趨勢.
我現在已開始向McDonald's Say "no"了, 衹少他不是必需品. 但回頭一想, 香港人捱一世去換層樓又是否另類剝削?


[引用] | 作者 Ken | 4th Apr 2007 | [舉報垃圾留言]

[37]

香港麥當勞一般15 元時薪的兼職,工作48 分鐘就能買到價值12 元的巨無霸;但如天水圍10 至12 元時薪來計算,就至少要1 小時或以上。

好似好多年前已經唔係呢個價,我只可以講,全港最低嗰個都唔止15


[引用] | 作者 打手 | 3rd Apr 2007 | [舉報垃圾留言]

[36] Re: Children Subject

謝,近來成日打錯字…

Children Subject :
都是有基層做飽賣飽的
↑你是否想說"都是「由」基層做飽賣飽的"?


[引用] | 作者 poonwinghang | 2nd Apr 2007 | [舉報垃圾留言]

[35]

都是有基層做飽賣飽的

↑你是否想說"都是「由」基層做飽賣飽的"?


[引用] | 作者 Children Subject | 1st Apr 2007 | [舉報垃圾留言]

[34] Re: W

是的,有人中六合彩,亦不代表你有機會中,或者很易中。騙人而已。


[引用] | 作者 poonwinghang | 31st Mar 2007 | [舉報垃圾留言]

[33] 典型合法欺詐口術

「CEO也是低層做上去」這系的解釋基本上就是支撐我們社會的傳說。利用的是我們人人都有的潛在的病態賭徒心理。

一個平等的社會要有平等的機會,但是如果制度令到事實是根本只是有很少的人能夠有合理的生活,那即使每個人都有那麼一點點點點的機會,實際運作上仍然是不平等。

在醫學界,一個死亡率為99%的疾病不會因為歷史上還是有幾個人生存下來所以那個病「不是死症」。

其實很多企業制度,根本就是患上了「死症」。患了死症還說自己沒有問題,就是罪。


[引用] | 作者 W | 31st Mar 2007 | [舉報垃圾留言]

[32]

如果麥記可以將d包裝既錢減一大截,
再加返d人工咁就真係功德無量。

麥記最過份既除左係剝削員工薪金,
就係極度唔環保,
多餘既包裝有份謀殺地球先生。


[引用] | 作者 | 31st Mar 2007 | [舉報垃圾留言]

[31]

如果唔係逼不得已,己經唔會再選擇食麥當勞。
無營養,無益處,最大個問題係,老闆好
無-良!


[引用] | 作者 | 31st Mar 2007 | [舉報垃圾留言]

[30]

真係「乜job」?


[引用] | 作者 阿文 | 30th Mar 2007 | [舉報垃圾留言]

[29]

所以我比較喜歡幫襯啲街坊小店,
佢地比較有人情味!


[引用] | 作者 新鮮人 | 30th Mar 2007 | [舉報垃圾留言]

[28] Re: 阿力

係,好多公司既part-time 員工好多年都無人工加。二十蚊左右呢個數已經係好多年,但係呢,又有好多生活必須品加左價,所以錢反而唔見洗。


[引用] | 作者 poonwinghang | 30th Mar 2007 | [舉報垃圾留言]

[27] Re: Lamji

就正如好多人都係得三至四千蚊人工
生活困難,唔怪得之有人寧願去拎綜援

Lamji :
要比都要同社會物價指數比,香港麥噹噹人工一個鐘都唔夠食返自己既一個餐~而家物價仲係咁升,人工就只有少部份機構加果丁屎咁大把~


[引用] | 作者 poonwinghang | 30th Mar 2007 | [舉報垃圾留言]

[26] Re: carrie

m記仲至少包你一餐,當然食得多都係唔好…
不過好過有d公司,放假要自己俾錢請人代

carrie :
其實麥記雖然人工低但起碼都有基本既員工福利,有d小型既公司(好似清潔同速遞)既人工仲低不特止, 仲要係'0'福利兼無training及好刻薄....


[引用] | 作者 poonwinghang | 30th Mar 2007 | [舉報垃圾留言]

[25] Re: 木子瑤*

仲要係加左,靜靜雞唔話俾你知

木子瑤* :
$4...
唔講唔知可以用巨無霸比較~
真係....
麥記仲要成日加價呢@@"


[引用] | 作者 poonwinghang | 30th Mar 2007 | [舉報垃圾留言]

[24] Re: 膽小貓

不過,如果咁既價錢都有人做
佢地點解俾唔出?都係供求關係

膽小貓 :
$4?真係太過份喎。不過我知道中國的麥當勞是以特許經營權經營,所以是由那間店鋪的老板自行決定。


[引用] | 作者 poonwinghang | 30th Mar 2007 | [舉報垃圾留言]

[23] Re: 藤臻

咁生活指數同經濟環境唔同
又唔可以直接比較…

藤臻 :
原來香港的也低處未算低!$4......


[引用] | 作者 poonwinghang | 30th Mar 2007 | [舉報垃圾留言]

[22] Re: ming

果d所謂幫人,都係marketing 野,利用人地既苦做下宣傳咁…

ming :
美國好多公司都係好刻薄,如walmart...出晒名, starbuz 講到好似好好咁會幫農民,其實又係昆人。


[引用] | 作者 poonwinghang | 30th Mar 2007 | [舉報垃圾留言]

[21] Re: JC

其實唔單上m記,香港有好多差唔多既工種,都係呢個咁上下既價錢。

JC :
麥記人工一向都知係低架啦, 不過唔知原來有得咁比較


[引用] | 作者 poonwinghang | 30th Mar 2007 | [舉報垃圾留言]

[20] Re: 謝非

呢個都係我不解既問題
就正如三四千蚊既電話佢地點買
去咖啡店四十蚊杯咖啡佢地點負擔?


[引用] | 作者 poonwinghang | 30th Mar 2007 | [舉報垃圾留言]

[19] Re: 大狂

我都無做過…

大狂 :
所以當年堅持不做McJob...


[引用] | 作者 poonwinghang | 30th Mar 2007 | [舉報垃圾留言]

Next