香港新浪網 MySinaBlog
« 上一篇 | 下一篇 »
poonwinghang | 23rd May 2007 | 有關旅遊


Originally uploaded by Hang.

上海的士(計程車)的收費,首三公里是11 元人民幣,之後每兩公里是2.1 元。為免找續,小數位是四捨五入的,不似香港,只要多一毫就會自動進一。而晚上十一時至翌晨五時,起錶價為13 元。

對比香港來收費不算太貴,同時很易找到空車。整個旅程中,不計由機場到市區的一程,只試過一次超過40 元。所以去那裡,也是與的士結伴。但在上海乘的士,有幾點要注意。

首先,無論你說的目的地是那裡,就算是著名的旅遊點,司機都會似懂不懂的猶疑一下。如果是偏僻點的地方,他們更會問長問短。經驗所得,其實他們是知道的,扮不懂,可能是想確認你懂不懂。如果你也是糊糊糊糊,就能乘機兜多點路。這和琛圳不同,琛圳司機說不懂,是嫌路程短而拒載。

還有,對司機說門牌號碼是沒用的,要說什麼路近什麼路這樣,即是那兩條路的交界,如西藏南路近中山南一路。可能是上海每條路都太長,門牌隨時上千,很不好記;而且,不是每一座大廈都有標示出號碼。但在旅遊書上,有的只是那號碼,對遊客來說是極度不便的。

上海的士有很多種顏色,多數是紅色、藍色、黃色和綠色。顏色並非代表了他們行走的地區,只是不同公司罷了。在上海工作的朋友告誡說,不要坐紅色的,因為那些司機較不禮貌,同時亦會兜路。

最後,司機位裝上透明屏風,雖然安全,但對於前座較肥的乘客、如我,很不舒服。


[20]

淺綠的「大眾」最舒適,車又新,不過去年到過上海兩次,都幾難找車,所以有車就要上,冇得揀。


[引用] | 作者 momo | 25th May 2007 | [舉報垃圾留言]

[19] Re: gunner

咁佢明顯扮野啦,東方明珠塔都唔識。即係等於香港唔識去中環。

gunner :
有次在老街截車,條司機話唔知邊到香格里拉!東方明珠塔話唔識!我即係同佢講,我抄低你號碼,明天去投訴!!


[引用] | 作者 poonwinghang | 24th May 2007 | [舉報垃圾留言]

[18] Re: 粉雷雷

我又無咁既情況啊,次次都好順利。

粉雷雷 :
係有人話某一間公司0既車服務係最好,但係上海,截車好難,所以有得上都唔好揀
以前都唔係咁,我上次去要同人搶車呀陰公


[引用] | 作者 poonwinghang | 24th May 2007 | [舉報垃圾留言]

[17]

情況和廣州很似呢,樓上Oscar說的不錯~
如果第一次搭無熟人帶路,真是"遇o左"給他兜路了~ 有識途老馬教路,會講得出"乜乜路大樹下個路口"、"物物路教場前","大"到個司機,就不會蝕底~

還有啊,不同顏色的士公司的"權限"有別,如果不是本市公司的車,有些地方他們可能沒有申請許可證進入,所以截車前都要留意。


[引用] | 作者 小鹿 | 24th May 2007 | [舉報垃圾留言]

[16]

有次在老街截車,
條司機話唔知邊到香格里拉!
東方明珠塔話唔識!
我即係同佢講,我抄低你號碼,
明天去投訴!!


[引用] | 作者 gunner | 24th May 2007 | [舉報垃圾留言]

[15]

我記得幾年前去過一次上海旅行,幾次搭的士時司機都好似唔係咁識路,而家經你講一講,我至覺得佢地真係有可能係扮傻想繞路行。


[引用] | 作者 winter | 24th May 2007 | [舉報垃圾留言]

[14]

to readandeat

紐約機場現在都有服務員派紙,說明到主要地方的價錢, 即使接載遊客, 的士司機是難以作弊的, 為什麼那個司機咁蠢!


[引用] | 作者 Alison | 24th May 2007 | [舉報垃圾留言]

[13]

係有人話某一間公司0既車服務係最好,但係上海,截車好難,所以有得上都唔好揀

以前都唔係咁,我上次去要同人搶車呀陰公


[引用] | 作者 粉雷雷 | 24th May 2007 | [舉報垃圾留言]

[12] Re: readandeat

記得墨斗先生都有一樣情節
係叫司機去警局,司機都話唔去
果節好笑


[引用] | 作者 poonwinghang | 24th May 2007 | [舉報垃圾留言]

[11] Re: 大腦電波

地鐵同磁浮我都有搭
就係去龍陽路果時,果個司機狂叫我地去埋機場。

大腦電波 :
內地的的士司機對於外地遊客都會喜歡兜來兜去, 識路扮唔識路, 真係麻煩.
上海市區有地鐵, 比起好多內地大城市方便. 而且有磁浮火車來往機場和地鐵二號線龍陽路站之間, 由機場八分鐘到龍陽路站, 然後轉地鐵去市區, 唔需要坐的士咁貴.
上海塞車起來真係好恐怖, 我試過了一次, 怕怕了.


[引用] | 作者 poonwinghang | 24th May 2007 | [舉報垃圾留言]

[10] Re: Oscar

只係可以講,呢d野我未試過。
(又或者,其實試過我唔知)

Oscar :
上廣州搭的士都係差唔多環境, 價錢平, 短程都係廿蚊左右, 幾個人坐的士好過搵公共交通工具~但同時D司機都係會嘗試搏大霧. 試過一次個司機唔知係真唔識定扮野, 兜耐左好多, 我地一落車, 當地接應既親戚即刻上前同司機理論, 一邊抄低車牌一邊鬧佢總之都係萬事小心~


[引用] | 作者 poonwinghang | 24th May 2007 | [舉報垃圾留言]

[9] Re: 太陽風

可能真係一個個地方文化唔同。
放生?我又點捨得。

太陽風 :
相對地,珠海同北京嘅司機好得多!Hang, 你下次帶晒兩隻去放「放生」啦! :P


[引用] | 作者 poonwinghang | 24th May 2007 | [舉報垃圾留言]

[8] Re: Cherrie

香港俾人呃?可能你個樣好蝦…

Cherrie :
我最怕呢d司機, 我實比人呃啦!!!我想話我香港都比人呃啦....
咁你點呀? 先背熟地圖先上車?....


[引用] | 作者 poonwinghang | 24th May 2007 | [舉報垃圾留言]

[7] Re: kitB

你俾地圖佢睇,佢地又真係可以唔知。我都試過有次,講極唔明,係司機自己拎地圖出黎睇。


[引用] | 作者 poonwinghang | 24th May 2007 | [舉報垃圾留言]

[6]

天下的士司機一樣黑﹗

美國朋友在紐約機場坐的士回家,那位司機肯定以為對方是遊客,加上天黑,竟然敢膽亂兜路,朋友不動聲色,司機兜到成百蚊美金車費,朋友忽然對司機說:「唔該,我而家改變主意唔想返屋企,唔該你車我去警察局。」

嚇到個司機臉都青埋,頻頻講對唔住。仲問朋友想點,朋友表示只會付平時由機場坐的士回家的車資,即三十元美金。


[引用] | 作者 readandeat | 24th May 2007 | [舉報垃圾留言]

[5]

內地的的士司機對於外地遊客都會喜歡兜來兜去, 識路扮唔識路, 真係麻煩.

上海市區有地鐵, 比起好多內地大城市方便. 而且有磁浮火車來往機場和地鐵二號線龍陽路站之間, 由機場八分鐘到龍陽路站, 然後轉地鐵去市區, 唔需要坐的士咁貴.

上海塞車起來真係好恐怖, 我試過了一次, 怕怕了.


[引用] | 作者 大腦電波 | 23rd May 2007 | [舉報垃圾留言]

[4]

上廣州搭的士都係差唔多環境, 價錢平, 短程都係廿蚊左右, 幾個人坐的士好過搵公共交通工具~
但同時D司機都係會嘗試搏大霧. 試過一次個司機唔知係真唔識定扮野, 兜耐左好多, 我地一落車, 當地接應既親戚即刻上前同司機理論, 一邊抄低車牌一邊鬧佢
總之都係萬事小心~


[引用] | 作者 Oscar | 23rd May 2007 | [舉報垃圾留言]

[3]

相對地,珠海同北京嘅司機好得多!
Hang, 你下次帶晒兩隻去放「放生」啦! :P


[引用] | 作者 太陽風 | 23rd May 2007 | [舉報垃圾留言]

[2]

我最怕呢d司機, 我實比人呃啦!!!我想話我香港都比人呃啦....

咁你點呀? 先背熟地圖先上車?....


[引用] | 作者 Cherrie | 23rd May 2007 | [舉報垃圾留言]

[1]

係喎,我最後一晚搵野食,咪就係俾晒旅遊書、地址阿司機睇,但結果落左車都係不知身在何處囉..幾灰架。

旅遊書有教點揀的士,又一星二星三星又不同牌子咁,不過都真係坐果陣,都係伸手叫到乜就坐乜,坐左咁多程,感覺上服務都係差唔多o即。 


[引用] | 作者 kitB | 23rd May 2007 | [舉報垃圾留言]