香港新浪網 MySinaBlog
« 上一篇 | 下一篇 »
poonwinghang | 8th Jun 2007 | 有關飲食

平均分: 8.75 | 評分人數: 4

Picture

老麥近日又有新飽,一眾死硬Fans 又再力撐,急急腳排隊試食。新飽標榜的是傳統魚柳飽乘二,加倍雙重滋味云云,所以名稱簡單的叫作雙層魚柳飽云云。概念應該來自雙層芝士漢堡。不過兩者相差甚遠。

魚柳飽是很多人的最愛,其好味之處不在於魚柳。坦白講,隔夜急凍魚柳又會有誰認為好食?只吃魚柳一塊的話,那乾涸的表面、和縮水下陷不似四方的四方形,應該嚇倒不少人。

所以,魚柳飽的神來之筆,是來自芝士、沙律醬:和那根本只有咸味的魚柳,組成完美的配搭。很難明白,有人吃魚柳飽會選擇「走醬」,可能怕肥吧。但怕肥應該連老麥都不要吃。

但雙層魚柳飽呢?雙層芝士漢堡比起漢堡飽,除了多塊牛肉以外,也多了塊芝士,在根本的味覺上,是不同的享受。兩者並非同質產品。但雙層魚柳飽,沒有多醬、也沒有多了芝士(半塊?),只是多了一塊又乾又咸的魚柳。情形就似是套餐加大,魚柳飽一個不夠飽?加大多塊魚柳啦!兩者是同質產品來的。

而味道嘛,都說多了一塊又乾又咸的魚柳,本身是絕好配搭的芝士、沙律醬和魚柳的鐵三角,現在只餘下魚柳的咸味。除了咸、還是咸。如果是魚柳飽的死硬Fans,還是不要試,以免失望。

還有,這飽和史力加有什麼關係?史力加又不是貓…況且貓也不食炸魚柳。


[63]

幾多錢??加薯條and飲品


[引用] | 作者 Jade | 5th Jul 2007 | [舉報垃圾留言]

[62]

我食單層魚柳包係會唔食最底果塊包, 因為一啖咬落去, 2層包太多...
相信食呢個雙層魚柳包, 我會食埋底果層包, 因為多出的魚, BALANCE了我的口感~
P.S.走醬PLS, 唔係怕肥, 係覺得蓋左魚味~


[引用] | 作者 小兒科 | 17th Jun 2007 | [舉報垃圾留言]

[61] M記呢次真係"多舊魚"...

惡評如潮....M記呢次真係"多舊魚"...
=_="


[引用] | 作者 Cy | 17th Jun 2007 | [舉報垃圾留言]

[60]

看見那張poster就覺不會好吃,太heavy。
要是兩塊魚柳,都是想吃多點魚肉吧,何不整塊厚點的,那不過攪綽頭的東西。
阿hang,你好,很久沒見,我回來了。


[引用] | 作者 Aki | 12th Jun 2007 | [舉報垃圾留言]

[59] Re:
A.n. : 雖然我未食個新包, 但當我尋日得知既時候, 就總覺得將兩塊炸魚柳搭埋一齊食會好怪... (就好似大部分人都唔會將兩塊吉列豬扒搭埋一齊食一樣...) 宜家從呢度得知仲係唔會多塊芝士 / 醬... 似乎係乾上加乾... -__-' ** 本人都幾鍾意魚柳包既!
你又一次誤導了讀者,醬是多了,芝士是多了,魚也是多了,只有包没有多,多咗幾多,唔話你知
poonwinghang : 其實田園沙律都好肥…真係唔好食…菜鳥 : 而家去麥記,十次有九次我都係食田園沙律飽飽非常間唔中先會食一次薯條更加係十年唔馮一潤
田園沙律嘅肥大部份來自芝士,我都唔知菜鳥姐會食麥記
poonwinghang : 魚柳包六蚊魚柳包六蚊魚柳包六蚊魚柳包六蚊魚柳包六蚊?我未聽過....... Kli : 魚柳包滯銷,為免屯積過期魚柳,於是推出雙層魚柳包 - 這是我的猜想。 比起10年前的「魚柳包六蚊魚柳包六蚊魚柳包六蚊魚柳包六蚊魚柳包六蚊!!」應更有賺頭。

冇十年,應該五六年,唔記得係六蚊定八蚊
魚柳包其實一向都好好賣,我唔覺得會屯積

 

睇完你呢篇噉多留言,我又想喺鮮奶國消失嘞


[引用] | 作者 打手 | 12th Jun 2007 | [舉報垃圾留言]

[58]

早兩日同小心帶著戰戰兢兢既心情去試過呢個包, 唔知係咪睇左你呢篇先去食啦...無想像中o甘差喎! ok喎! 會唔會間間M記唔同呢? 因為真係試過唔同既M記, 個包唔同味嫁!


[引用] | 作者 杜麗 | 11th Jun 2007 | [舉報垃圾留言]

[57]

今日食咗, 失望...


[引用] | 作者 Esther | 11th Jun 2007 | [舉報垃圾留言]

[56] Re:
阿文 :
再講多樣o野, 「飽」係食飽飯個飽, 而「包」係麵包個包, 所以魚柳包係用包, 唔係飽.

這個嘛, 大家就吃「反」不吃飯, 吃水「交」不吃水餃, 吃「曼」頭不吃饅頭吧......


[引用] | 作者 PC | 10th Jun 2007 | [舉報垃圾留言]

[55] Re: Re: Kli
所以,魚柳飽的神來之筆,是來自芝士、沙律醬:和那根本只有咸味的魚柳,組成完美的配搭。

絕對同意!


[引用] | 作者 Kie | 10th Jun 2007 | [舉報垃圾留言]

[54]

我有些朋友吃魚柳飽也會選擇「走醬」,不過他們的原因是因為那些醬好難食,我也不太明白那為什麼還要吃魚柳飽。


[引用] | 作者 葉迪迪 | 10th Jun 2007 | [舉報垃圾留言]

[53] Re: 花臉人

我多數用350D
學嘛,其實影得多都可以。只要你肯練,同埋要搵到影相個感覺。

花臉人 :
你好呀~你影d相好靚呀相問下你用咩型號相機的??因為我都想學下影相~


[引用] | 作者 poonwinghang | 9th Jun 2007 | [舉報垃圾留言]

[52] Re: 小眼睛

burger king!!!
去親機場,都一定唔可以錯過。

小眼睛 :
新鮮人 :不愛吃漢寶包,更不愛m記,近來吃過mos,發覺m記那些真的好難食!

我卻愛吃 burger king!
雖然不太喜歡吃麥記,(吃完總覺得有陣味...) 但以往麥記有新搞作,總會去試試,但這個雙層魚柳包,無新意、無創意,連一點誠意也沒有。


[引用] | 作者 poonwinghang | 9th Jun 2007 | [舉報垃圾留言]

[51] Re: 樹兒

咁就叫做賀國慶大件夾抵食雙層雞扒套餐。

樹兒 :
哈哈說不定下次有隻層雞扒...仲係因為賀國慶的至於有什麼關係...就不知道了


[引用] | 作者 poonwinghang | 9th Jun 2007 | [舉報垃圾留言]

[50] Re: mingming

真係?等我下次試下先。

mingming :
你怕鹹, 可以order走鹽架... 仲會新鮮炸過畀你添...


[引用] | 作者 poonwinghang | 9th Jun 2007 | [舉報垃圾留言]

[49] Re: 阿文

不過mos 唔係周圍都有,無得咁比。
而飽字嘛,m記是用這個的。我夠知包係包啦。

阿文 :
魚柳包不是我的至愛, 所以呢期可以唔洗試食.
講開又講, 自從食過mos burger之後, 覺得麥記o的包真係差幾皮.
再講多樣o野, 「飽」係食飽飯個飽, 而「包」係麵包個包, 所以魚柳包係用包, 唔係飽.


[引用] | 作者 poonwinghang | 9th Jun 2007 | [舉報垃圾留言]

[48] Re: @man L

那應該和巨無霸合作。

@man L. :
真係諗唔明呢一個飽同史力加有咩關係......除左都係大大舊之外............


[引用] | 作者 poonwinghang | 9th Jun 2007 | [舉報垃圾留言]

[47] Re: miko

但係,好似兩個魚柳包貴d

miko :
如果走醬走芝士,不如食兩個魚柳包仲好...


[引用] | 作者 poonwinghang | 9th Jun 2007 | [舉報垃圾留言]

[46]

你好呀~你影d相好靚呀
相問下你用咩型號相機的??
因為我都想學下影相~


[引用] | 作者 花臉人 | 9th Jun 2007 | [舉報垃圾留言]

[45]

我覺得 雙層魚柳包 = 魚柳包加底 =.=


[引用] | 作者 擦膠 | 9th Jun 2007 | [舉報垃圾留言]

[44]

一定要試試先XD


[引用] | 作者 N.C.R. | 8th Jun 2007 | [舉報垃圾留言]

Next