香港新浪網 MySinaBlog
« 上一篇 | 下一篇 »
poonwinghang | 26th Jun 2007 | 有關生活文化


Originally uploaded by tantek.

麥當勞的無飲管日,已經推出一段日子,也有很多Blogger 討論過,效果如何、不得而知,但網上的反應卻是一面倒:無聊。現在才說,好像是遲了點。不過說環保這問題,永遠不會遲。

尤其是,吃一餐麥當勞所消耗掉的資源其實多得驚人:紙、膠、發泡膠不計其數。可能一天份量已經堆夠一個足球場。就算一人省下飲管一根,亦只是冰山一角。況且,不用飲管喝冷飲,當口唇接觸到那冰塊,嘩,夠你麻痺三五秒。什麼無飲管日,只是宣傳成份居多。

早前和雲海說起雙層魚柳飽,很自然的大家也提起這無聊活動。雲海說,其實日本的麥當勞在環保方面,比香港的做得更多。在網上找到這圖片,可以見到他們的垃圾筒,是會要求客人或員工,將紙品、塑膠和水等分開處理。這樣就更容易將不同的物料回收再造。(可點擊放大,看得更清楚)

的確日本在這方面是做得很好,例如在卡通片集中,不時會出現有關垃圾分類的情節(如這個)。相對於香港,既沒有分類回收習慣,再造工業亦不太發達,大部份垃圾只會去了堆填區。

當然,有朋友會說,不要光顧一些使用即棄餐具的餐廳,是最佳的環境舉動。我是認同的,但香港人要完全避免光顧快餐店,也極其困難。倒不如由他們帶頭做好垃圾分類,比十個「無飲管日」更加實際。

延伸閱讀:
1996.粉筆字:支持環保 少去麥當奴
龍貓狂想曲:阿荗整餅的無飲管日
Pigazine:無飲管日?不如這個還實際!


[53] 親愛的朋友

親愛的朋友.祝您倆越來越甜蜜蜜唷
搞定美眉
av每片45元
催情春藥
ca10a451-2bcf-48e2-b091-4c4bc4395394


[引用] | 作者 爆奶女 | 26th Jul 2011 | [舉報垃圾留言]

[52]

鐶保?香港人都唔理呢D啦···同距地講?無聊,沒用概啦···要俾香港人睇下顔色先得。GM樣沒用··


[引用] | 作者 Spring | 4th Jul 2007 | [舉報垃圾留言]

[51]

用獅子狗魚蛋卷當飲管用,飲完嘢順手食埋!掂晒!


[引用] | 作者 人一個 | 2nd Jul 2007 | [舉報垃圾留言]

[50]

無麥當奴日呢個提議唔錯呢...
飲筒不用是頗困難的了.但有些餐廳是用膠袋入住飲筒,真的是很不環保


[引用] | 作者 公關 | 1st Jul 2007 | [舉報垃圾留言]

[49]

不過首先要教育好香港人先得,因為現在就算有一個這樣的分類垃圾箱,人們都只會唔理的是但扔去廢棄物這一格


[引用] | 作者 Carson | 30th Jun 2007 | [舉報垃圾留言]

[48]

噢~
乜麥當勞發起左d咁無聊的活動 ?
澳門麥當勞唔知有無呢~


[引用] | 作者 Din | 29th Jun 2007 | [舉報垃圾留言]

[47]

孤陋寡聞的我也是最近才知麥記有d甘無聊的事!如果我唔係餓到沒野好挑而食都唔知!


[引用] | 作者 MissRAIN | 29th Jun 2007 | [舉報垃圾留言]

[46]

講真﹐無飲管日真係幾無聊﹐而且好唔方便
要慳資源不如學KFC﹐改用膠杯。


[引用] | 作者 文少 | 29th Jun 2007 | [舉報垃圾留言]

[45] Re: 小彭

當然唔係。或者,我想講的話,一步一步未必是不好,但其實在於麥當勞的立場來說,從其他國家的經驗,是可以做得更多的。

所以,這篇文除了說無飲管日在環保之,對客人有所影響外,也只是提供多一個做法給大家參考。


[引用] | 作者 poonwinghang | 28th Jun 2007 | [舉報垃圾留言]

[44] Re: angus

咁又唔好咁講,要環境成效最大,仲有好多公司更應該執。

angus :
麥記一邊放火,另一邊又話要救火。
無膠管日,相信為麥記帶來的,只有負面影響。
要環保,執了麥記就最大成效。


[引用] | 作者 poonwinghang | 28th Jun 2007 | [舉報垃圾留言]

[43] Re: Cherrie

咁你又講得好啱,我又諗過,又真係得飲管先最唔麻煩。

Cherrie :
點解咁多野唔去"無", 走去無飲管? 因為"無"其他野會麻煩到麥叔叔丫嘛, 淨係無飲管會係消費者需要adjust之嘛, 無墊紙, 佢要洗tray, 無杯無包裝紙, 佢要買過循環用的杯同碟....
sai氣啦, 懶哂係環保咁, 其實就丁屎力都唔願出, 要消費者出力, 佢地image得益, 算死草得佢咁緊要, 抵佢發達!!!!


[引用] | 作者 poonwinghang | 28th Jun 2007 | [舉報垃圾留言]

[42] Re: 粉雷雷

哈哈,所以宜家日本人嘛,唔用廁紙直接用水沖。

粉雷雷 :
其實我覺得無飲管好唔方便,因為真係好難飲,不過我都無 堅持要拎飲管我都覺得好似日本咁分類好好多人地好自覺,將紙杯同膠杯蓋分開丟,咁循環再造就好方便資源唔可以完全避免浪費,咁就應該做好回收再造囉!無理由叫人去廁所唔用廁紙0架嘛!


[引用] | 作者 poonwinghang | 28th Jun 2007 | [舉報垃圾留言]

[41] Re: a-i-ne

當然唔會收你啦,收左你仲要俾錢養。
不過唔係好多家庭有賣垃圾呢個習慣,至少,我屋企連放我都無位,仲點放垃圾?

a-i-ne :
不如整個「無麥當奴日」……其實而家好多野都有得回收,,除左紙,鋁鑵,膠樽之外,,膠袋(任何膠),廢鐵,廢布……家母叫我地平時d野唔好掉,,一堆之後拎晒去賣…(一般家庭請勿在家中停屯積垃圾)咁就有幾十蚊不知幾爽。我問佢幾時拎埋我去賣,唔知收唔收


[引用] | 作者 poonwinghang | 28th Jun 2007 | [舉報垃圾留言]

[40]

其實我又覺得,做少少點都好過乜都唔做。起碼,無飲管日當日,真係會少左飲管呢樣廢棄物,對環保真的有幫助,縱使係少少的幫助。

係咪一個人一直衰開,就連做番一件好事都唔得? 都要比人鬧無聊?

講真,我唔係麥記員工,唔需要為佢講好話,但佢地多年來,其實都在包裝上環保左好多,記唔記得,以前所有包都係用發泡膠盒載的? 依家除左早餐之外,好似已經沒有用發泡膠盒。餐紙以前係任取的,現在都由員工分發,以免浪費。以快餐店來說,佢地已經算不斷有改進。

香港人冇環保意識,所以更要在小處著手,今日膠袋、明日飲管、後日餐盒,逐少逐少,加起來就會好多,就會慢慢建立意識。

係咪因為效果細,就不如乜都唔做,一拍兩散? 如果係的話,香港就永遠唔可以擺脫浪費之都的名字!! 香港人真的不可以為環保,失去少少的方便嗎???


[引用] | 作者 小彭 | 28th Jun 2007 | [舉報垃圾留言]

[39]

我覺得唔用飲管幾好丫~ 好過咩都唔做~ 凡事都有開始既~ ^^


[引用] | 作者 sooffadmin | 28th Jun 2007 | [舉報垃圾留言]

[38]

麥記一邊放火,另一邊又話要救火。

無膠管日,相信為麥記帶來的,只有負面影響。

要環保,執了麥記就最大成效。


[引用] | 作者 angus | 28th Jun 2007 | [舉報垃圾留言]

[37]

叫做提下o的人世界上仲有"環保"呢兩個字咁囉......


[引用] | 作者 Becky | 28th Jun 2007 | [舉報垃圾留言]

[36]

點解咁多野唔去"無", 走去無飲管? 因為"無"其他野會麻煩到麥叔叔丫嘛, 淨係無飲管會係消費者需要adjust之嘛, 無墊紙, 佢要洗tray, 無杯無包裝紙, 佢要買過循環用的杯同碟....

sai氣啦, 懶哂係環保咁, 其實就丁屎力都唔願出, 要消費者出力, 佢地image得益, 算死草得佢咁緊要, 抵佢發達!!!!


[引用] | 作者 Cherrie | 27th Jun 2007 | [舉報垃圾留言]

[35]

香港我諗未算嚴重吧,或者地方細啦。美國就真係唔環保啦,特別係快餐店,簡直係離譜!


[引用] | 作者 魚頭 | 27th Jun 2007 | [舉報垃圾留言]

[34]

d天天破壞環境的公司想借環保洗底,又唔徹底又無誠意,好傻


[引用] | 作者 pinocchio | 27th Jun 2007 | [舉報垃圾留言]

Next